منتدى الدويم
مرحبا بك عزيزي الزائر. المرجوا منك أن تعرّف بنفسك
و تدخل منتدى ملتقى ابناء الدويم معنا. إن لم يكن لديك حساب
بعد, نتشرف بدعوتك لإنشائه
منتدى الدويم
مرحبا بك عزيزي الزائر. المرجوا منك أن تعرّف بنفسك
و تدخل منتدى ملتقى ابناء الدويم معنا. إن لم يكن لديك حساب
بعد, نتشرف بدعوتك لإنشائه
منتدى الدويم
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى اجتماعي ثقافي
 
الرئيسيةالدويمأحدث الصورالتسجيلدخولالبوابةتسجيل دخول الاعضاء
الاعضاء

 https://aldowaim-city.ahlamontada.net
اهلا وسهلا بك يا:    زائر 
آخر زيارة لك كانت: الخميس يناير 01, 1970
لديك: 0 مساهمة.
اخر عضو مسجل معنا هو   https://aldowaim-city.ahlamontada.net/u1548    
يمكنك تعديل بياناتك  الشخصية من هنا 
 
الصفحة الرئيسية المجلة لوحة التحكم الرسائل البحث   قائمة الاعضاء
اتصل بنا  مركز رفع الصور  خروج
» بيت الديكورات وتشطيبات في داريراكوبة ودالجبيل  الظليلة Coolte12السبت مارس 16, 2024 3:18 pm من طرفloloosama» تشطيبات وديكورات في شركه داريراكوبة ودالجبيل  الظليلة Coolte12السبت مارس 16, 2024 3:17 pm من طرفloloosama» بيت الديكورات وتشطيبات في داريراكوبة ودالجبيل  الظليلة Coolte12السبت مارس 16, 2024 3:16 pm من طرفloloosama» احدث الديكورات وتشطيبات في داريراكوبة ودالجبيل  الظليلة Coolte12السبت مارس 16, 2024 3:14 pm من طرفloloosama» تصميمات وتشطيبات شقق وفلل في شركه داري راكوبة ودالجبيل  الظليلة Coolte12الخميس مارس 07, 2024 3:33 pm من طرفloloosama» شركه داري للديكورات وتانشطيبات العقاريهراكوبة ودالجبيل  الظليلة Coolte12الخميس مارس 07, 2024 3:31 pm من طرفloloosama» شركه داري للديكور 01033192243راكوبة ودالجبيل  الظليلة Coolte12الخميس مارس 07, 2024 3:30 pm من طرفloloosama» افضل شركه تشطيبات وديكور شقق وفلل شركه داريراكوبة ودالجبيل  الظليلة Coolte12الخميس مارس 07, 2024 3:29 pm من طرفloloosama» تصميمات وتشطيبات شقق وفلل في شركه داريراكوبة ودالجبيل  الظليلة Coolte12الأربعاء فبراير 28, 2024 3:24 pm من طرفloloosama» بيت الديكورات وتشطيبات في داريراكوبة ودالجبيل  الظليلة Coolte12الأربعاء فبراير 28, 2024 3:23 pm من طرفloloosama» احدث الديكورات وتشطيبات في داريراكوبة ودالجبيل  الظليلة Coolte12الأربعاء فبراير 28, 2024 3:22 pm من طرفloloosama» افضل شركات ديكور في شركه داريراكوبة ودالجبيل  الظليلة Coolte12الأربعاء فبراير 28, 2024 3:20 pm من طرفloloosama» احدث الديكورات وتشطيبات في داريراكوبة ودالجبيل  الظليلة Coolte12الأربعاء فبراير 21, 2024 4:44 pm من طرفloloosama» احدث الديكورات وتشطيبات في داريراكوبة ودالجبيل  الظليلة Coolte12الأربعاء فبراير 21, 2024 4:43 pm من طرفloloosama» افضل شركات ديكور في شركه داريراكوبة ودالجبيل  الظليلة Coolte12الأربعاء فبراير 21, 2024 4:42 pm من طرفloloosama» شركه داري للديكورات 01033198843راكوبة ودالجبيل  الظليلة Coolte12الإثنين فبراير 12, 2024 3:19 pm من طرفloloosama» بيت الديكورات وتشطيبات في داريراكوبة ودالجبيل  الظليلة Coolte12الإثنين فبراير 12, 2024 3:18 pm من طرفloloosama» تصميمات وتشطيبات شقق وفلل في شركه داريراكوبة ودالجبيل  الظليلة Coolte12الإثنين فبراير 12, 2024 3:17 pm من طرفloloosama» تصميمات وتشطيبات شقق وفلل في شركه داريراكوبة ودالجبيل  الظليلة Coolte12السبت فبراير 03, 2024 3:54 pm من طرفloloosama» شركه داري للديكورات 01033198843راكوبة ودالجبيل  الظليلة Coolte12السبت فبراير 03, 2024 3:53 pm من طرفloloosama




منتدى الدويمراكوبة ودالجبيل الظليلة

FacebookTwitterEmailWindows LiveTechnoratiDeliciousDiggStumbleponMyspaceLikedin
شاطر|

راكوبة ودالجبيل الظليلة

استعرض الموضوع التالي استعرض الموضوع السابق اذهب الى الأسفل
كاتب الموضوعرسالة
حمدالجبيل الحساني

حمدالجبيل الحساني

4
4

الانتساب :
29/10/2009

رقم العضو :
68

عدد المساهمات :
212


راكوبة ودالجبيل  الظليلة Empty
مُساهمةموضوع: راكوبة ودالجبيل الظليلة راكوبة ودالجبيل  الظليلة Coolte12السبت أكتوبر 31, 2009 1:25 pm
خيارات المساهمة

راكوبة ودالجبيل  الظليلة 12525874951

نرحب بكم في راكوبه ظليله بكل جوانبها تجمع الدوبيت والمسدار والنم شرق وغرب وجنوب وشمال مليون ميل مربع
لي جوه تفضلوا وحبابكم عشره بلا كشره الجبنه والشاهي وشاهي اللبن الماشربو انغبن وزير ينقع مويتو صاقطه
اها عصيده بملاح روب وسعن يهتف والله يا زول جيهناها ليكم تب مفروش بالرمله البيضاء والبنات نظفوها ماقصرو

وهي للجميع اي زول حقتوا كلكم اهل راكوبه والراكوبه تجمعنا بحبها قبل ظلها


تقبلوا خالص تحياتي وودي واحترامي ولكم الشكر مقدما للجلوس معا بصدر رحب


راكوبة ودالجبيل  الظليلة 12563294264

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
حمدالجبيل الحساني; توقيع العضو
الرجوع الى أعلى الصفحة اذهب الى الأسفل
حمدالجبيل الحساني

حمدالجبيل الحساني

4
4

الانتساب :
29/10/2009

رقم العضو :
68

عدد المساهمات :
212


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12السبت أكتوبر 31, 2009 1:32 pm
خيارات المساهمة

فى ضل الراكوبه قعدته ولى البريد مستنى
راجى ظهورو لى شوفتو القليب متمنى
مراتاً أدوبى ومره أشاشـى وأغنـــــــــى
بدور بدرك يهِل بى عيد ميلادك أهنى

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
حمدالجبيل الحساني; توقيع العضو
الرجوع الى أعلى الصفحة اذهب الى الأسفل
حمدالجبيل الحساني

حمدالجبيل الحساني

4
4

الانتساب :
29/10/2009

رقم العضو :
68

عدد المساهمات :
212


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12السبت أكتوبر 31, 2009 1:48 pm
خيارات المساهمة


نقلاً عن صحيفة السوداني
يعتبر عبدالله حمد ود شوراني من أميز شعراء المدرسة الرابعة في الشعر القومي، وهي المدرسة ذات الملمح الغزلي ومسدار الرحلة والقصائد الطويلة بالمعنى الأدبي القومي مع الإحتفاظ بالمربع الشعري، وقد ظهرت فيها ـ أي المدرسة الرابعة ـ بوادر الشعر السياسي وشعر الدعابة والملح ووصف حال الناس ومعاناتهم اليومية ، وشاعرنا ود شوراني 1923 ـ 1989 يأتي على رأس شعراء المسادير حيث ألف ثمانية مسادير طِوال، وهذا لم يتأت لأي شاعر آخر في البطانة قديماً أو حديثاً غير أن البعض يقول: إن الشاعر أحمد عوض الكريم أبو سن يُضاهيه في ذلك ، ويقول الباحث الكبير حسن سليمان محمد ود دوقة في كتابه ( مسادير ورباعيات الشاعر عبد الله حمد ود شوراني ) الذي صدر حديثاً ضمن سلسلته ( أدب البطانة) عن شاعرنا:" ود شوراني له دراية فائقة ومتفردة بأصول الإبل وأنواعها وقد برع في وصفها إذ عايشها منذ نعومة أظافره ، و يتصف بأدبٍ جم وتواضع معروف ، فهو يوقر الكبير ويحترم الصغير ، وله معرفة كبيرة بأنساب القبائل وفروعها وأفخاذها وأصولها، ويحفظ أسماء الكثير من شيوخ الطرق الصوفية وقد ذكرهم في كثير من شعره، وهو موغل في المفردات العامية مما دفع المرحوم البروفسير عون الشريف قاسم أن يستشهد بأشعاره في أكثر من ستمائة موضع في قاموسه الشهير ( اللهجة العامية في السودان) ، وود شوراني يلجأ للرمز في شعره -خاصةً شعر الغزل- فاسم المتغزل بها لا تسمح الأعراف بذكره، وذكر المفاتن ومواضع الجمال في المرأة في سفور وابتذال تمنعه الأعراف أيضاً لذا لايحس المتلقي بوصف مفاتن المرأة في شعر ود شوراني إلا نادراً.وود شوراني صاحب بديهة حاضرة في المجادعات والمساجلات ،وله معرفة واسعة بالسهول والوديان والجبال والغابات وأماكن المشاهير وهذه المعرفة بطبغرافية المنطقة مكنته من ذكر تلك المناطق في مساديره بصورة مرتبة مما يجعل المتلقي يحس وكأنه يرافق الشاعر في تلك الرحلات. بالرغم من أن ود شوراني أُميٌَّ إلا أنه يلم إلماماً واسعاً بالكثير من تاريخ الأمم السابقة خاصة قصص وحكايات الغرام عند العرب قديماً وحديثاً، كما له معرفة جيدة بعلم الفلك وفصول السنة والمنازل وحركة الرياح وله مسدار في ذلك.

عندما نظرنا لود شوراني وشعره ألفيناه مثالاً نموذجياً لشعر الدوبيت السوداني الذي عهدناه معيناً لا ينضب، بقدر ما هو إثراء وجداني وثراء عقلي عظيم، فقد سجل لنا الخبر والقصة والطرفة والحدث التاريخي وغير ذلك من المعارف وكل ما اتصل بحياة البادية من معلومات، وكان حاضراً عندما شكلت ملاحظات البدو العميقة وتجاربهم المتوارثة الكثير من الدلالات التي أعانتهم على التعامل مع الطبيعة، سواء في إنتاجهم الاقتصادي من زراعة ورعي، أو في أمر أسفارهم وترحالهم وإقامتهم عندما جعلوا من النجوم دليلاً لاتجاهاتهم عبر المكان حينما يدلجون، واتخذوا من حركتها المدارية نظاماً لضبط الزمن، وذلك برصدها عند الظهور والتحول والاختفاء، وهو نظام لا يعرف الخطأ ولا يستبد به التبدل، فأضحت أشعار الدوبيت وثائق حضارية يلجأ إليها المتلقي عندما تعوزه المعرفة، ويستنجد بها الدارس عندما ينشد العلم، ويستفيد منها المتخصص في علوم الجغرافية والفلك.

وارتبط علم النجوم كعلم تبادله الأعراب منذ عهودٍ بعيدة بالظواهر الطبيعية التي تحدث في مناحيهم كل عام، مثل هطول الأمطار وحركة الرياح وأنواعها واتجاهاتها، وبرودة الطقس وحرارته واعتداله، وقصر الليل وطوله من النهار، وتعاقب الفصول وكافة الظروف المناخية، وما يتصل بذلك من مواعيد الزرع والحصاد وتحديد المواقيت اليومية. وحدد العرب ثماني وعشرين (عِينةً) للسنة الميلادية البسيطة، كل عِينة تمتد لثلاثة عشر يوماً عدا عينة (الجبهة) التي تستمر لأربعة عشر يوماً، وقسمت هذه العين على فصول السنة الأربعة، لكل فصل سبع عِين، وكل عِينة ترتبط بنجم معين يظهر في اتجاه معين من السماء وتتابع هذه النجوم بانتظام دقيق من الشرق إلى الغرب، ويدل ظهور كل منها على هذا النحو على بداية فترة العِينة المحددة، وكل فترة من فترات هذه العِين تحمل ملامح مناخية خاصة. وينتقل القمر في كل يوم ليرافق إحدى هذه النجوم الثمانية والعشرين كما يبدو للناظر أو الراصد، لذا عرفت هذه النجوم بمنازل القمر. والعِينة في الاصل العامي تعني منازل نزول الأمطار وفيضان النيل وهي (الضراع) و(النترة) و(الطرفة) و(الجبهة) و(الخيرصان) و(الصرفة) و(العِواء). وقد تعني العِينة السحابة الممطرة والمطر والبرق الذي يسبق المطر، وتطلق العينة كذلك على منازل الشتاء والربيع والصيف. وقد نهض ود شوراني عبر رحلة زمانية رواها الدوبيت في مسداره الجهير (النجوم والطوالع) الذي أشرنا إليه من قبل ومنه نجتزئ قوله:

برق الهنعه رفَّ ولاح وفكَّه أريـــاحُو

ذكَّرنِي البفــوق دهب البراتي سمـاحُو

الخلاني أقيم الليــل ملاقي صبــاحُو

بعد الشيب خفيف الروح جرحني سلاحُو

وقوله:

في آخر السماك ود عيني زاد لِجليــجُو

والاهو الشِتا العقبو الخريف بي عِرَجُو

فاقد شوفةْ المـــريود وحَـــــالِي لِهيجُو

سيفــــو الحـــاد حيــــــاتي من دِهيجو

وقد صور لنا ود شوراني حياة البادية بقوافيه الساحرة وحياة قبائلها المرتحلة كفنان ماهر،فعندما تُنبئ البروق عن بشائر خريفهم الذي ترنو فيه ظعائنهم نحو الصبيب وقطرات الندى، وفيه تلتقي جموع المحبين في رحلات النشوق التي تمثل واحدة من حركتهم الدؤوبة وارتحالهم المستمر كالدمر والشوقار والشويم والورود والغب والظعن، وحينها تنشرح القلوب وتلتقي على المودة وتستعر الأضلع وتتسامى النفوس فوق أحزانها وأشجانها. وعلى البراري الخضراء وتحت النسائم المنعشة تمسي الخوافق متسارعة النبضات تدفع إلى أجسادهم المتعبة دماء الحياة، وترفدها بمتعة العشق ونشوة الوصال في أجمل وأمتع أوقات عامهم.ولود شوراني مسدار جاء بعنوان (النشوق) وفيه يصف رحلة النشوق وصفاً دقيقاً يجعلك تنتقل معه بين الأودية المترعة بالمياه والجمال والجبال السامقة والأشجار المورقة التي تغني على أفنانها الأطيار. ومن مسداره النشوق نختار رباعيتين لاتخلوان من الوجد:

رُخــاً كــان مِطَعِـم للبـلد والديره

شَيَّلْ وقَفَّ راحِل وروحي ساقـا أسيره

يا ود الشيخ مشن اليوم ضعاينو دميره

شرب الـريح وتقَّـبْ في فؤادي قِميره

عرب الخلا قلبي ينوح وبصري مساقِدْ

شبكوا الشَيَّلْ حَمَارْ ساعةْ سَغيرُن راقِدْ

حبرو العــالي فـوق أب مَشالاً زايدْ

غير ما يكون بشر من الدهب شِنْ فاقِدْ

كما الشعر عموماً والشعر العربي على وجه الخصوص، تناول الدوبيت السوداني أغراضاً شبيهة بالأبواب الشعرية التي طرقها الشعراء كالغزل والرثاء والهجاء والمدح والحكمة والحماسة والفخر والفتوة ووصف الطبيعة والشعر السياسي والوطني وقد طرق شاعرنا ود شوراني أغلب هذه الأبواب غير أن الهجاء يندر في شعره ولايؤلف فيه إلا تحت ضغط القبيلة، كما حدث في المشكلة التي قامت بين الكواهلة والشكرية في خمسينيات القرن الماضي، والبعض يقول: إنه قد نسب إليه زورا، وقد أثار انتباهنا الاصطلاحات المحلية أو العامية التي أُصبِغَتْ على أغراض الدوبيت، ومحاولة الأستاذ فرح عيسى محمد لتكريسها في كتابه القيم(الإبداع في الشعر الشعبي)، حيث يعتقد أن هنالك إحساساً بعدم الارتياح يصاحب التصنيف الأدبي المعروف لأغراض الدوبيت، ويشعر الإنسان بالابتعاد بالشعر الشعبي عن أصالته ونكهته البيئية والاجتماعية، عليه اختار الأستاذ عيسى الميل إلى تصنيف مواضيع الشعر الشعبي تحت الأسماء المحلية التي يطلقها مبدعوه– حسب ما ذكر– ولهذا يعتقد أن غناء البنات (كاسم) أنسب من الغزل، وشعر الشكر أنسب من المدح، والمناحة أنسب من الرثاء، وشعر (النبز) أكثر دلالة لقصد المبدع من الهجاء. وأورد الأستاذ عيسى مزيداً من المصطلحات العامية لأبواب الشعر كغناء المهاجرة الذي يعبر عن ظاهرة الهمبتة بالحديث عن الفروسية والحماسة، وكغناء النعم الذي يكون مدار موضوعه حول وصف مظاهر الطبيعة، غير أننا لا نتفق مع الأستاذ عيسى في ما ذهب إليه، إذ إن أول ما يبعد وجداننا عن هذه المسميات التي مال إليها هي الغرائبية التي سلكت في مدارها، ولا أعني أنها مجرد كلمات عامية أو مغرقة في المحلية، ولكن لأن الدوبيت ومبدعيه يعرفون جيداً التصنيف الأدبي العام لأغراض الشعر ومسمياته، فمثلاً كلمة الغزل تدور كثيراً في أنماط الدوبيت، وكذلك كلمة المدح والرثاء والفخر والهجاء، كما أن التصنيف الذي يميل إليه الأستاذ عيسى يربك المتلقي الذي لم يتعود على اسقاط تلك المسميات على أبواب الشعر التي يعرفها، هذا فضلاً عن عدم دقة بعضها، خاصة في ما أشار إليه بغناء المهاجرة الذي حمله معاني الحماسة والفتوة والفخر وهي مسميات تحمل دلالات مباشرة للقصد الأدبي ويفهمها عامة الناس، المتعلم منهم وغير المتعلم، على حد سواء، ولا أدري كيف فات على الأستاذ عيسى أن (غُنا) المهاجرة لا يُعْنَى فقط بالحماسة والفخر، إنما يطرق كل أبواب الشعر المعروفة، مما يتضح معه عدم دقة هذه التسمية. ويقول الأستاذ عيسى: إن (غنا) البنات مسمى أفضل وأكثر قرباً لعالم العامة من مسمى الغزل، وهذا ليس صحيحاً على إطلاقه، فمسمى الغزل أكثر دقة وأوقع في معناه لدى الصفوة والعامة، فضلاً عن أن مسمى غناء البنات له أكثر من دلالة وهذا يربك المتلقي أيضاً، كما أن إحلال مسمى النبز في محل مسمى الهجاء غير دقيق ايضاً، إذ إن الهجاء في شعر الدوبيت قليل ويميل إلى السخرية والتصوير الكاركتوري المضحك، ولا يجنح كثيراً نحو السب أو الإساءة كما يوحي مسمى النبز. على كل نجد أن الدوبيت يهتم أكثر بأغراض الفخر والحماسة والغزل والمدح ووصف الطبيعة ويقل اهتمامه بالرثاء والشعر السياسي والهجاء. وقد ذكر الدكتور عز الدين إسماعيل أن الهجاء المباشر في الشعر القومي السوداني قليل نسبياً، وأهم أسباب هذه القلة هو أن الناس عامة والشعراء خاصة، يتحرجون من سماع العيب فضلاً عن قوله.وقد رأينا في الجزء الأول من هذا المقال أن ود شوراني من الشعراء الذين يجيدون فن الرثاء ومن العجيب أنه عندما قضى أحد جماله نحبه رثاه بقصيدة طويلة نجتزئ منها قوله:

رقد المقدر بي جـريــدتـو إتبيَّنْ

كـم لله بالتيـه والعتامـير هيَّــنْ

زمنو العالي سرجـو القارتيتو معيَّنْ

المطمر ملان لى عـلوقو ما بندَيَّنْ

وقوله:

إنكسر العـزيز ود المهـورة القـاصِعْ

أقنف ليهو فطسه وسدرو جاير وواسِعْ

منسول الشدايد الحوري جـدو التاسِعْ

جايبو تعبنا وأُمو المي دَشر لى ما صِعْ

واختتم ود شوراني هذه المرثية الطويلة بقوله:

سفـراً بالرَدِي الكرباحو فوقـو بِجَوِّدْ

يا عبد الله ســاقي عليهو مو متعوِّدْ

البَهجِمْبو ست الريـد فـلانه مهـوِّدْ

إدمدم رقـد مـين غيرو الله بِعَوِّضْ

--------------------------------------------------------------------------------


ولعل هذه المرثية تولدت من رحم التوافق النفسي العجيب ما بين الشاعر والجمل، فالجمل يشكل اللبنة الأولى في عمارة الثلاثية الخالدة في شعر الدوبيت، التي تكاد تستغرق غالبية أ شعار الغزل والنسيب في الدوبيت السوداني، فالجمل لم يكن دعامة اقتصادية للشاعر، ولم يكن نجيه في الفلوات أو حامل أثقاله فحسب، إنما اتخذه الشاعر مستودعاً لأسراره العاطفية، يبثه شكواه وأشجانه، ويحاوره ويسمع منه ويقول له. وكانت الحبيبة في هذا الإطار محوراً ثالثاً وأساسياً لا تغيب عن تلك العمارة، وتكون حاضرة دائماً في قلب الحدث الشعري بأطيافها التي تحملها الخواطر، وبأوصافها الملتصقة بالذاكرة والوجدان.

رغم أن الحديث عن الشاعر ود شوراني يطول إلا أننا نختم القول عنه هنا بجزء من مساجلته الغزلية الخطيرة مع الشاعر الصادق ود آمنة والتي حملت جماليات وإبداعات فذة، وارتبطت بروح المنافسة الشرسة. فقد حدث أن جلس الشاعران في مجلس قهوة تديره فتاة فاتنة، فتمت إثارتهما من أحد الحضور لينظما شعراً في هذه الحسناء، فبدأت المنافسة الشعرية الغزلية بينهما، وحبس الحضور أنفاسهم ليطلقوها مع آهات الإعجاب، وأخذ الصادق زمام المبادرة وأنشأ يقول:-

إِنتي فَريدةَ العَصرِي ونَخِيل الشَبرَه

شَوفتِكْ تَذْهِب الهَمْ واللَيالي الغَبرَه

بي فـــَرة براطمِـك وقَامتِك المِنتَبرَه

أَحيتِيلي نَــــــار قَبرَه البِتَوقِـد كُبرَه

وبذلك وضع الصادق الكرة في ملعب ود شوراني الذي أخذ ينقر بعصاه في أرض المجلس كأنما يستدعي شيطان شعره وأخذ يقول:-

البارِح نَسيم ريحـاً طَــــلقْ مِـن جَبرَه

ذَكَّـرْ عَقلِي بيْ وَدْ الــــعَنَانِيفْ هَـبرَه

أَحْ مِـن فِـلانَه وجرحَها المــــا بِبرَه

قَلبي عَليها نَاح بَعدَ اليَقين والصَبرَه

ثم أخذ الصادق يصف مشاعره ويصف هذه الحسناء التي تتربع بينهم فقال:-

العَينْ سـاقَدَتْ بالحَيــلْ وقَاسى نَفعْهَ

رَبيع القَامه فـي سَهرَ اللَيــالي دفعْهَا

رَبَّ العِزه في سابعَ السَماوِي رَفعْها

رَوقْ ذِهنَها وفطَّنَـــها مَـا صَفَحْــهَـا

وقام ود شوراني وهو يحمل هموم الرد في إتون هذه المنافسة الحامية، ليقول على منوال القافية ذاتها:-

وا أَسفاي عليْ صَبرِي الضِعِفْلِي وشَحَّه

سَبَبُو العَارضَه فَوقْ شَتَمْ النِحاسْ القَحَّه

الخَـلاقَـه لَيّـــــَنْ طبعَـــهـا وسمَحَّـــــهـا

زَولَه فَدُورَةَ النُوق فـي العجَيجْ قَمَحَّهـا

وتستمر القافية دون تغيير ليقول الصادق:-

تَقيـــــلةَ المَجلِس المِـنَ القَـبيح تتْسَحَّـه

مِنْ حَرْ شَوقَا قَلبي يِنُوح ولِحَيمِي إتْلَحَّه

الخَـلاَنِي فِيكِي القَـايـــــْلَه مـا بَسْمَعْهَا

مَقْطُوعْ النَصِيبْ بَيك نفسُو مَـا مَتــعَها

ويتصدى ود شوراني للرد بذات القافية ليقول:-

لَهـجِك كَلمةَ الحَنى السَبِيطَه تَفَحَّـه

يِنْدِي نَدَاكْ يـا الشَتْله أُمَ أَدُوباً نَحَّـه

الخَـلاني خَـلقـــِكْ بالشُـكر نَمْدَحَّـه

أَردافِـك فُلُو وقَـدَمِك تَقِيل مَـارَحَّه

ثم ترتفع حرارة المنافسة ويحمى وطيس المعركة، ويأخذ ود شوراني زمـام المبادرة بقافية مغايرة، ليقول وهو يصف الفتاة وقد أقبلت عليه بقهوتها إقبالاً مشرقاً تزينه خطى رزينة:-

شَرْفَتَا رِيلْ وكَفيَتَا خَـيلْ وطُولـــهـا مَوَسَطْ

سَمحَه الرِيكَّا دَرْ صَهبَا وضميرهَا مَبَسَطْ

مِـن تَـاتَاي قُدومهَــــــا وخَطْوَتَا الِلتْرَصَّتْ

حَسَيتْ بيْ قَلبِي فَارَقْنِي وكَبِدتِي إِنْقَـصَّتْ

وأطلق الحاضرون آهات الإعجاب، فأحس الصادق بخطورة الموقف، وأدرك أنه أمام خصمٍ شرس وشاعر متمرس، فأخذ يجيل النظر على خصمه والحاضرين وعندما وقعت عيناه على الفتاة ألفاها تنظر إليه وتبتسم فتدفق الشعر وانساب:-

رَفعْ أبصارُو حَتى النَظرَه ليْ خَصَّاها

فَـرَّ فَاطرُو تَمْرَةْ فُؤَادِي كَـعْ قَصَّـاهَا

قَدُر مَا يطــولْ أَوانْ أَقــــولْ أَنْسَـاهَا

مَجْلُوخْةً تقابِض فِي البَـدَنْ دَاسَـاهَا

وامتدت المسابقة لأكثر مما أثبتناه واحتوت على المزيد من المربعات التي يمكن الرجوع إليها كاملة في المصادر الأدبية الشعبية الموثقة أو في صدور الرواة الثقاة، وتعد هذه المباراة الرفيعة المستوى ـ التي رسمت الدهشة على وجوه المتلقين ـ سبباً في إيقاعهم في حيرة كبرى عندما أرادوا أن يفاضلوا بين المتسابقين الكبيرين، وما زالت وإلى يومنا هذا تتشعب الآراء في تساوٍ في شأن المفاضلة بينهما. رحم الله شعراء أدبنا الشعبي المبدعين الذين سموا بوجداننا إلى حيث الثراء وإلى حد الإثراء،وقبل أن أسير إلى إنتهاء، أستأذن القارئ الكريم فقد عنَّ لي أن أعبر عن امتناني للروائي والباحث الكبير إبراهيم إسحق إبراهيم رئيس إتحاد الكتاب السودانين الذي أشار إلى اسمي َضمن علماء أجلاء ينخفض سقفي عن سقفهم كثيرا، وذلك من خلال استضافته برزمانة أستاذنا كمال الجزولي، فقد قال:" الطيب محمد الطيب وشرف الدين ألامين عبد السلام يرحمهما الله جمعا حصائل لابأس بها من ديوان الدوبيت في غرب النيل الأبيض . لكنني أشك في أن أسعد الطيب العباسي وميرغني ديشاب قد منحا للبادية الغربية ما أعطياه لبوادي الشرق.) غير أني أحب أن أطمئن الأستاذ الفاضل إبراهيم بأن البادية الغربية لم تكن بعيدةً عن وجداني وقد منحتها الكثير سواء في مخطوطاتي أو هنا في عدد الجمعة المتميز لصحيفة السوداني الغراء.


--------------------------------------------------------------------------------




عبدالله حمد ود شوراني شيخ القبيلة وسلطان القوافي


--------------------------------------------------------------------------------

. وقد نهض ود شوراني عبر رحلة زمانية رواها الدوبيت في مسداره الجهير (النجوم والطوالع) الذي أشرنا إليه من قبل ومنه نجتزئ قوله:

برق الهنعه رفَّ ولاح وفكَّه أريـــاحُو

ذكَّرنِي البفــوق دهب البراتي سمـاحُو

الخلاني أقيم الليــل ملاقي صبــاحُو

بعد الشيب خفيف الروح جرحني سلاحُو

وقوله:

في آخر السماك ود عيني زاد لِجليــجُو

والاهو الشِتا العقبو الخريف بي عِرَجُو

فاقد شوفةْ المـــريود وحَـــــالِي لِهيجُو

سيفــــو الحـــاد حيــــــاتي من دِهيجو
ومن مسداره النشوق نختار رباعيتين لاتخلوان من الوجد:

رُخــاً كــان مِطَعِـم للبـلد والديره

شَيَّلْ وقَفَّ راحِل وروحي ساقـا أسيره

يا ود الشيخ مشن اليوم ضعاينو دميره

شرب الـريح وتقَّـبْ في فؤادي قِميره

عرب الخلا قلبي ينوح وبصري مساقِدْ

شبكوا الشَيَّلْ حَمَارْ ساعةْ سَغيرُن راقِدْ

حبرو العــالي فـوق أب مَشالاً زايدْ

غير ما يكون بشر من الدهب شِنْ فاقِدْ

ود شوراني من الشعراء الذين يجيدون فن الرثاء ومن العجيب أنه عندما قضى أحد جماله نحبه رثاه بقصيدة طويلة نجتزئ منها قوله:

رقد المقدر بي جـريــدتـو إتبيَّنْ

كـم لله بالتيـه والعتامـير هيَّــنْ

زمنو العالي سرجـو القارتيتو معيَّنْ

المطمر ملان لى عـلوقو ما بندَيَّنْ

وقوله:

إنكسر العـزيز ود المهـورة القـاصِعْ

أقنف ليهو فطسه وسدرو جاير وواسِعْ

منسول الشدايد الحوري جـدو التاسِعْ

جايبو تعبنا وأُمو المي دَشر لى ما صِعْ

واختتم ود شوراني هذه المرثية الطويلة بقوله:

سفـراً بالرَدِي الكرباحو فوقـو بِجَوِّدْ

يا عبد الله ســاقي عليهو مو متعوِّدْ

البَهجِمْبو ست الريـد فـلانه مهـوِّدْ

إدمدم رقـد مـين غيرو الله بِعَوِّضْ
وأخذ الصادق زمام المبادرة وأنشأ يقول:-

إِنتي فَريدةَ العَصرِي ونَخِيل الشَبرَه

شَوفتِكْ تَذْهِب الهَمْ واللَيالي الغَبرَه

بي فـــَرة براطمِـك وقَامتِك المِنتَبرَه

أَحيتِيلي نَــــــار قَبرَه البِتَوقِـد كُبرَه

وبذلك وضع الصادق الكرة في ملعب ود شوراني الذي أخذ ينقر بعصاه في أرض المجلس كأنما يستدعي شيطان شعره وأخذ يقول:-

البارِح نَسيم ريحـاً طَــــلقْ مِـن جَبرَه

ذَكَّـرْ عَقلِي بيْ وَدْ الــــعَنَانِيفْ هَـبرَه

أَحْ مِـن فِـلانَه وجرحَها المــــا بِبرَه

قَلبي عَليها نَاح بَعدَ اليَقين والصَبرَه

ثم أخذ الصادق يصف مشاعره ويصف هذه الحسناء التي تتربع بينهم فقال:-

العَينْ سـاقَدَتْ بالحَيــلْ وقَاسى نَفعْهَ

رَبيع القَامه فـي سَهرَ اللَيــالي دفعْهَا

رَبَّ العِزه في سابعَ السَماوِي رَفعْها

رَوقْ ذِهنَها وفطَّنَـــها مَـا صَفَحْــهَـا

وقام ود شوراني وهو يحمل هموم الرد في إتون هذه المنافسة الحامية، ليقول على منوال القافية ذاتها:-

وا أَسفاي عليْ صَبرِي الضِعِفْلِي وشَحَّه

سَبَبُو العَارضَه فَوقْ شَتَمْ النِحاسْ القَحَّه

الخَـلاقَـه لَيّـــــَنْ طبعَـــهـا وسمَحَّـــــهـا

زَولَه فَدُورَةَ النُوق فـي العجَيجْ قَمَحَّهـا

وتستمر القافية دون تغيير ليقول الصادق:-

تَقيـــــلةَ المَجلِس المِـنَ القَـبيح تتْسَحَّـه

مِنْ حَرْ شَوقَا قَلبي يِنُوح ولِحَيمِي إتْلَحَّه

الخَـلاَنِي فِيكِي القَـايـــــْلَه مـا بَسْمَعْهَا

مَقْطُوعْ النَصِيبْ بَيك نفسُو مَـا مَتــعَها

ويتصدى ود شوراني للرد بذات القافية ليقول:-

لَهـجِك كَلمةَ الحَنى السَبِيطَه تَفَحَّـه

يِنْدِي نَدَاكْ يـا الشَتْله أُمَ أَدُوباً نَحَّـه

الخَـلاني خَـلقـــِكْ بالشُـكر نَمْدَحَّـه

أَردافِـك فُلُو وقَـدَمِك تَقِيل مَـارَحَّه

ثم ترتفع حرارة المنافسة ويحمى وطيس المعركة، ويأخذ ود شوراني زمـام المبادرة بقافية مغايرة، ليقول وهو يصف الفتاة وقد أقبلت عليه بقهوتها إقبالاً مشرقاً تزينه خطى رزينة:-

شَرْفَتَا رِيلْ وكَفيَتَا خَـيلْ وطُولـــهـا مَوَسَطْ

سَمحَه الرِيكَّا دَرْ صَهبَا وضميرهَا مَبَسَطْ

مِـن تَـاتَاي قُدومهَــــــا وخَطْوَتَا الِلتْرَصَّتْ

حَسَيتْ بيْ قَلبِي فَارَقْنِي وكَبِدتِي إِنْقَـصَّتْ

وأطلق الحاضرون آهات الإعجاب، فأحس الصادق بخطورة الموقف، وأدرك أنه أمام خصمٍ شرس وشاعر متمرس، فأخذ يجيل النظر على خصمه والحاضرين وعندما وقعت عيناه على الفتاة ألفاها تنظر إليه وتبتسم فتدفق الشعر وانساب:-

رَفعْ أبصارُو حَتى النَظرَه ليْ خَصَّاها

فَـرَّ فَاطرُو تَمْرَةْ فُؤَادِي كَـعْ قَصَّـاهَا

قَدُر مَا يطــولْ أَوانْ أَقــــولْ أَنْسَـاهَا

مَجْلُوخْةً تقابِض فِي البَـدَنْ دَاسَـاهَا

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
حمدالجبيل الحساني; توقيع العضو
الرجوع الى أعلى الصفحة اذهب الى الأسفل
مدثر

مدثر

ادارة المنتدى

الانتساب :
15/09/2009

رقم العضو :
1

عدد المساهمات :
1119


https://aldowaim-city.ahlamontada.net راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12السبت أكتوبر 31, 2009 2:27 pm
خيارات المساهمة

الدوبيت و المسدار و النم

من اجمل تراثنا و فيه قيم و مبادئ سودانية اصيلة
طبعا انا ما خبير في المجال ده لاكن عندنا اخوانا ودالشيب و شاكر ديهم زخيرة ممتازة من هذا النوع من التراث لكن بحب اقراه جدا
تشكر اخي حمد

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
مدثر; توقيع العضو



انضم الي مدونتي



الرجوع الى أعلى الصفحة اذهب الى الأسفل
حمدالجبيل الحساني

حمدالجبيل الحساني

4
4

الانتساب :
29/10/2009

رقم العضو :
68

عدد المساهمات :
212


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12السبت أكتوبر 31, 2009 2:59 pm
خيارات المساهمة

الغالي والاخ الفنجري الجعفري

لك الود ايها المسك وانت تعطر بمرورك كتاباتي المتواضعه

دمت بخير

وعبرك احي احبابي ودالشطيب ورابح شاكر وتقريبا راح بعرفو زميل لنا بي منتدى لكن الاخ ودالشطيب ودي ان اتعرف عليه وانت ياغالي اسمك يعرف بشخصك وخير عنوان لخير قامه

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
حمدالجبيل الحساني; توقيع العضو
الرجوع الى أعلى الصفحة اذهب الى الأسفل
ودالشطيب

ودالشطيب

3
3

الانتساب :
09/10/2009

رقم العضو :
18

عدد المساهمات :
190


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12الإثنين نوفمبر 02, 2009 1:46 am
خيارات المساهمة

جيت راكوبتك قاصد القراية وبس
لاكين ما في مانع أحاول اتنفس
اكتب كلمتين وتلاتة واتونس
إمكن يوم أجيد النَّمَّة واتخصَّصْ
********ودالشطيب*********
راكوبتك جميلة جملة ونمقة بقصيدك
يحفظك الإله عين الحسود لا تصيدك
قاموس الأدب علِّي فيهو رصيدك
قافِيْتَكْ عدم راقي المعاني حصيدك
@@@@@@@@@@
لك التحية اخويالحساني تشرف بمعرفتك يلة شد حيلك علي الراكوبة
عايزنها تشيل الجميع ومايكون فيها رقراق شمس

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
ودالشطيب; توقيع العضو
الرجوع الى أعلى الصفحة اذهب الى الأسفل
حمدالجبيل الحساني

حمدالجبيل الحساني

4
4

الانتساب :
29/10/2009

رقم العضو :
68

عدد المساهمات :
212


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12الإثنين نوفمبر 02, 2009 4:38 am
خيارات المساهمة

القمر نوره ظهر وبنوره خصاني
ودالشطيب اخوي بحاول اجاريك
الشعر صعب بس حبو رماني
ماني غلطان ودا ظني الظانيهو فيك
كريم ومضياف واعتز بيك الحساني
@@@@@@@@@@@@
تدوم ويدوم غاليك والراكوبه حالف بي ظلها تغطيك
ما بترعررع وسيييعه وبترضي كل ناسك وضيوف ناديك
بالرحب والسعه قررنا نملاها ليك كلام دهب وماقدرت اجاريك
وبختم بالصلاة على الرسول بعدد التراب وزرات المطر الحساني بصلي عليك
%%%%%%%%%%%%%%%
عفواً ودالشطيب اعزرني انا هاوي وليست شاعر لكني اوعدك براكوبه شامله
تحياتي للكل وارفعو الحداد اقتراح

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
حمدالجبيل الحساني; توقيع العضو
الرجوع الى أعلى الصفحة اذهب الى الأسفل
مدثر

مدثر

ادارة المنتدى

الانتساب :
15/09/2009

رقم العضو :
1

عدد المساهمات :
1119


https://aldowaim-city.ahlamontada.net راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12الإثنين نوفمبر 02, 2009 4:56 am
خيارات المساهمة

الاح حد و الله منور بمسدارك انت وودالشطيب

بقى برنامج يمي لي اجي و استمتع بماريات الدوبيت و المسدار

المد لله اخي حد على كل مكروه و الحياة بتستمر بالاحياء و و احسن ما نقعله انو نسال الله الرحمة للمسلمين جميعا احياء و اموات

و اتحفنا بما عندك و كلنا بنقدم م عندنا من اشعار و اعاني مكتوبة و صور و منتظرينك و اتمنى ان تستمر بهذه القو و النشاط

لك تحياتي و شكري

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
مدثر; توقيع العضو



انضم الي مدونتي



الرجوع الى أعلى الصفحة اذهب الى الأسفل
حمدالجبيل الحساني

حمدالجبيل الحساني

4
4

الانتساب :
29/10/2009

رقم العضو :
68

عدد المساهمات :
212


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12الإثنين نوفمبر 02, 2009 5:12 am
خيارات المساهمة

ششرفني مرورك يالجعفري الفنجري
الدنيا دار فنا ومابشبعها موت وكلنا بننفني
ارفعو الحداد رحمة للفرج من احزانا المتني
رحمة لكل ميت كان مؤمنا او مسلمي
الانسان مو مخلد كلنا يجي يوم ونندفني
ربي يرحمنا برحمنة تغني من كل عملاًمجرمي

ويالجعفري سلامي بلاحدود واحتراماً بالقلب مكنني

فخراً لنا مرورك بالراكوبه بل شرافاً يخصني
ولا توصي يتيماًمتيماً بحب دياره دويما بالدواخل مغنني
في الختام سلام وصلاتك على خير الخلق العدناني
[b]




راكوبة ودالجبيل  الظليلة Image-7dc84058f3

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
حمدالجبيل الحساني; توقيع العضو
الرجوع الى أعلى الصفحة اذهب الى الأسفل
مدثر

مدثر

ادارة المنتدى

الانتساب :
15/09/2009

رقم العضو :
1

عدد المساهمات :
1119


https://aldowaim-city.ahlamontada.net راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12الإثنين نوفمبر 02, 2009 5:28 am
خيارات المساهمة

رفعنا الحداد يا اخي حمد
 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
مدثر; توقيع العضو



انضم الي مدونتي



الرجوع الى أعلى الصفحة اذهب الى الأسفل
حمدالجبيل الحساني

حمدالجبيل الحساني

4
4

الانتساب :
29/10/2009

رقم العضو :
68

عدد المساهمات :
212


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12الإثنين نوفمبر 02, 2009 1:44 pm
خيارات المساهمة


مسدار الشقيانة


قصة تناجى مع الروح





بدور أحكى الحكاية .. بدور أرتّب قصة
قصة روحى .. دايرة حديث وفتوى وحصة
فيها كلام كتير .. فى أوّلا.. وفى.. نصا
نمشى كشف حساب ..ونخت جداول أحصاء
******
مالك روحى ما سالكة الطريق الواصل
مالك مستبدّة وأنتى عارفة الحاصل
الزول با الوعا بيدرك وبيهو بفاصل
بين دربا عدييل..أو ..يبقى تحصيل حاصل
******
روحى دوام تساسق ولى الشقاوة تفتّش
عاملة الصاح غلط والحال دوام متلبش
فتّاح يا عليم والوش بدل مايفرفش
مادى البووز هناااك من غير سبب متنفش
******
لو كان الطموح سبب النكد والضيق
أو كان السبب فقدان رفيق وصديق
ماظنيتو زعلك غير نشاف للى ..الريق
باكية براكى ديمة.. وفى الضحك تفريق
******
ما وقفت هموم الدنيا فت.. فى ..بابك
والدرب السعيد .. أسعيلو عند الجابك
يوم باكر ..بروح وكمان تفارقى شبابك
تجيك سن الخرف .. والنكرة من أحبابك
******
داك مثلا بقول (الدنيا مى دار خير)
فيها الزول بعيش .. زمنو ويحلّ الغير
من فوق السحاب السارية ترمى الطير
وشن طعم الحرد .. باكر بجيكى نكير
******
روحى أخير تعودى .. ولى صوابك شوفى
عارف حالك أنتى .. وأنتى عارفة ظروفى
راجعى كشف حسابنا وفى خيالك طوفى
نعيش أيامنا حلوة وتبقى دانية قطوفى

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
حمدالجبيل الحساني; توقيع العضو
الرجوع الى أعلى الصفحة اذهب الى الأسفل
حمدالجبيل الحساني

حمدالجبيل الحساني

4
4

الانتساب :
29/10/2009

رقم العضو :
68

عدد المساهمات :
212


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12الإثنين نوفمبر 02, 2009 1:47 pm
خيارات المساهمة

وكذلك الشاعره مهيرة الشايقية التى غنت لابناء قبيلتها

غنيت بالعديلة لعيال شايق
البرشو الضعيفة ويلحقو الضايق
لليلة استعدوا وركبو خيل الكر
وقدامهم عقيدا بالاغر دفر
جنياتنا الاسود الليلة تنتر
يالباشا الغشيم قول لى جدادك كر
مسدار الصيد ،،

الشم خوخت بردن ليالي الحرة
والبراق برق من منا جاب القرة
شوف عيني الصقير بي جناحو كفت الفرة
تلقاها أم خدود الليلة مرقت برة
******
تعرف لي مشاهيد الرقاد والفرة
فلاخ المصب بيه بتبين تتورى
فوق حيا فوق محل من الصعيد منجرة
ويا باسط النعم تسقيها في ها المرة
*****
أب عراق فتق قرنو المبادر شره
والباشندي عمت مهششيب الدره
من النقرة كل حين فوق عليو منصره
وها الأيام محاريها القليعة أم غرة
*****
قدمت من هنا وبي أضانا سمعت كره
وفوق كرتوت شخيتيرا تخين خر
قلاتو الوهاط بي لشقة قبلو محري
يا باسط النعم ما تلقى فيهو مضرة
****
بت المن قرين مرقن علي الجبال
وفوق (بيه وبلوس) مابرجن الوبال
صفرا درعتن تتدلى لا البهال
وبيضة شاش قرابيبن تريع البال
*****
مرقن يا مجيب لي جملة السؤال
شاحدك تجمعن من مطبق الحلال
ما ينقص حساب الدرج ولو بي عجال
ونحن نجيب لهن في كل يوم موال
********
من (بيلا) الصباح إتسربقن همال
والدوف فوق حقائبهن كترتو جمال
الخور العطيش بلدا عزاز ورمال
ومدروك ما هو من حر النهار بي كمال
******
قطعن (ودعول) بجرن شفاقي عدال
ختمن مقرح الحربة الجبالها طوال
قلت أمات قرود وردنو بي القبال
وخلقا كيف برمولن دمير حبال
*******
من امات رميلة متركشات لا شمال
وسمعن هدمي لا قدام كرير أضلال
بشلحط بريقن راح يشيل ولوال
تيسن زاعلن باكر مع الشهلال
*****
خلاهن رتوع في بقيل وخرجة نال
لا مت دور الوادي السرى سيال
فوق قمزوز طلع شاف في ملينو زوال
وقلعة (كو) حفيرها لقالو فيها نعال
******
مطامنات هناك لامن نهارن زال
وشرفن كلهن شمن دعاش اتعال
مابيات البلد دايرات حقو السروال
وصفا متع الغناي قدر ما قال
****
في عاقب نهار سون لهن مرحال
وعينيهن خلقن زرق برا كحال
من كرف الحويل بقين دحين في حال
وديل ليمن على الناس المتلنا محال
*******
جاهن منزقف وقتا عصير وشفاف
وكاسب ليهو بيهن من صدف ما بخاف
ديل الطبعهن دايم الأبد عواف
في نايط السروج لقين بقيلا جاف
******
حجار المزار المن بعيد بنشاف
جرن فوقو دورن للفقر عراف
لافخ ود نهار من البحوم طراف
ولقى سبرون بقيلو من الملين مو جاف
******
شاف برقا بقل فوق الجبل رفراف
وهن وحل الدرار يا الليلة منو خفاف
من عند المضيق مرقن هناك بي سناف
وديل قسين علي القوي والمتلنا ضعاف
*****
لونهن من بعيد متل البليبلي نضاف
مرد ومعصرات من شبة الأكتاف
للناس البغنو لن يجرو القاف
ماليات الخشم من كامل الأوصاف
*******
اتنشلن من الغبشة أم صهيب ناموس
وجين بين القصيرة وفوق فريع قلبوس
سدر المرمى لقين ردو مو مانوس
ووقعن بين حقاقيصو المعيز أربوس
******
خلاهن علي حجير الصفية حبوس
ولقى في الدهسريب قمبار وعرق فقوس
في المخلوقة شن تشبه معيز ام روس
غير الفي وريدن شولقن مرصوص
******
تيسن لي مراتعن تملي بكوس
وديمة بقل علي البرق البشيل حرقوص
كم ذولا رقد فوق دربهن ممغوص
ومنو اتخلصن ماصيدن جاموس
*****
قامن منها اتنين مضاكرة تيوس
ولقين في السمير خطا وجيع مكبوس
دمجا أزرق مشهادو مو معفوس
ومنو بيردن الميع المقامو البوص
*****
اخدن في الميع دورين حسابهن تام
ومن أوديت بزوال شرفهن قدام
طلعن قوز كديس جاهن صقيط نمنام
ووصلن حد بطانة مرتع العدام
******
الهبريم طلق جاب للميع حوام
ومن شهر النفاس فضلن لهن أيام
جين راجعات من القوز المقامو تمام
لونن يشبه البفت الجديد والخام
*****
ديل الطبعهن بالحيل خفاف وهمام
وفي سمير ود حريري مضقلات كل عام
قربن لي مواليد الرخيس وبعام
ومن عين البعاين سورة الأنعام
******
نون بالنجيع يا سابل الأكمام
اسبل سترك السابل علي النوام
تيسن جك مغرب وبي الملاين حام
جاهن وعافطنو وحيل سدوهن قام
*******
من دعت السراويل قبلهن دراتات
وفي العشنوق لقن زوزاي وبي فارات
عسكر خاف عليهن في ضرا نالات
وجاهن وجاعرن بعد النهار ما مات
*******
ختمن شابلك العارق التلات سدرات
وهكعن فوق عزاز حمريبه ام سوبات
دايش ليلي تام ما لقيت لهن مرحات
لامن هجسن باكر علي الطلحات
*****
خلاهن علي رد الفروخ بايتات
وفي المكفي الورا أم ميمون لقي ختيتات
متماسك سدوهن وبالحدوب شاتات
جاهن وجاعرن وجنو منحتات
******
ديل الديمة من رد الأنيس ناجعات
وكل حين فوق عليوا زاوي منجمعات
ضمر خلقة ما من قلة معيش ضايعات
تيسن دور الوادي الورا القلعات
*******
خلاهن علي رد الدموكيات
فلخ الفار مسيلباتو اتلقن باردات
في ترتير شدير ومعاهو حمريبات
تقلن وحضرنبو اللي النفاس دانيات
******
اتحلن جناهن في ضرا نالات
لامن درجنو وجف من السيبات
كم فوقن دقونا ولفن قافات
وقالن دوبا ليهن في الزمان الفات
******
الحي في الوجودو القالو قبلنا مات
كلو بلا هي بي لهج الطريفيات
شن ما قلنا فوق عنف الرقاب ساويات
قبلي ود أب شوارب جاب لهن كلمات
*****
يا باسط الأراضي والسبع سموات
وكلو الدابي حاف وأبو نعلات
دغس العين تنجيهن من الآفات
لا من وخرن بيلا المعيز ناجعات
*******
مرقن من مطيبقات الخوي أب دنان
وهكعن فوق معالق الوادي أبو ريحان
شافن في السمير سايمة وحيامة إنسان
وطلعن ها القليع المسمى بي النسوان
*****
المعزي المراتعهن سهول وقنان
انجبدن ثناييهن سداد في سنان
بعد ما اترقدن بي مطبق الوديان
يكتب لي لماهن ربنا المنان
******
كلبي الشارعو فيهن جا منقلب هقلان
واتحير قعد ساكت بقيت محنان
تيسن ديمة من حر الرحيح كملان
وجاهن من قفر بلدا بعيد ضبلان
*****
من الفجخاء هبر خـــلاهن
لا من دور أمات رميلة وجاهن
عند المتني فوق عاجبا جديد لماهن
ختمن بيلا فوق ميع البقر دلاهن
*******
المعزي البجازن ديمة فوق في خلاهن
بالغات النصاب أنصاري ما زكاهن
من ود البصير جايب إذن بغناهن
شوفن يا الزبير في لساني ديل ما احلاهن
******
جفلن من زوال شوفا بعيد باداهن
عرقن ود عول وادن قليلة قفاهن
ناس ابن الذريح ضربو المثل بي غناهن
من كاف السوام الميرغني بينجاهن
*******
من عوج الوكت ما بتركن وانساهن
فوق حيا فوق محل دايما بكوسو رضاهن
ملزوم بي مراتعهن وخبرة ماهن
وصلنو المصب واتوكرن في خلاهن
--------------------------

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
حمدالجبيل الحساني; توقيع العضو
الرجوع الى أعلى الصفحة اذهب الى الأسفل
حمدالجبيل الحساني

حمدالجبيل الحساني

4
4

الانتساب :
29/10/2009

رقم العضو :
68

عدد المساهمات :
212


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12الإثنين نوفمبر 02, 2009 1:51 pm
خيارات المساهمة

دوبيت
وسـط الدارة نزلـن من قصورن
عامـن شوقـن قلبـي البـدورن
هج وضج في ود عينـي نـورن
وطابت روحي من نفحـة عطورن

قمر السبعتيـن قدلت حمـامـة
غطـت جملتن متـل الغمـامـة
محزوز جيدها فوق بانة قوامـه
مجروح ريدها وين يلقى السلامة

ساحت إيـدا في الخـد المبهرج
وعامت ديسها نام فوق المرجرج
صـورةً جهجهت قلبي المضـرج
وفـرع البانـة لعلع فينا كـربج


شالت إيـدا مـن صفحة جبينـا
ومالت ولعـت نـار الكميـنـة
ودارت شتـت شوق ليما فينـا
حليل الراحـة يا روحي الحزينة

حسدت التـوب على اللفة الهنية
وحاسد الروج على الرطب الجنية
وحاسد الحنة في قـدم البنـيـة
على النعمة وعلى الدرجة السنية


شكيت الصيدة كان شالت منامي
وهبّت جمرة الشوق في عضامي
عفيت الصيدة تسلم من كلامـي
براي بربحت تعذيبي وهيـامـي

حلـف بالله أنـا إن كُـت حليلـك
زي المتلي مـا ِبلمـح كحـيلـك
أغطـيك بالرموش في العين أشيلك
واخبيك فـي القليب نومـك مقيلك

******************************************
****************************************

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
حمدالجبيل الحساني; توقيع العضو
الرجوع الى أعلى الصفحة اذهب الى الأسفل
حمدالجبيل الحساني

حمدالجبيل الحساني

4
4

الانتساب :
29/10/2009

رقم العضو :
68

عدد المساهمات :
212


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12الإثنين نوفمبر 02, 2009 1:54 pm
خيارات المساهمة

حرقوصك نتل جاب من هواكي دعاش
خيّم فوقك الليلي ومكاييل هاش
اتهتم سماك اسقى الـ كانوا عطاش
عربك تالتة واقفين ، لا برش لا فراش

ركزنلك بروقك عكّلن قيزانك
انهلن بشايرك واستعد عربانك
اتدلقن سحابك نعّ فوق وديانك
بي فرحة وطرب دقو الرباب عربانك

أضحو مبسطين شاكرين كريماً حي
سندوا الواقعة حلبو وشربو من الني
اتملى التبوب مصعن حمير الري
قاموا يعافرو في الشقق الرباطن ني

أخدوا الهجسة لي الكيفة الشميشا ضحي
يات من كان حلف قال الكرامة علي
أم ريد لولت القلاي ، جميلة الزي
أرياح الدمك غمرن ربوع الحي

********************************
*******************************

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
حمدالجبيل الحساني; توقيع العضو
الرجوع الى أعلى الصفحة اذهب الى الأسفل
حمدالجبيل الحساني

حمدالجبيل الحساني

4
4

الانتساب :
29/10/2009

رقم العضو :
68

عدد المساهمات :
212


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12الإثنين نوفمبر 02, 2009 1:57 pm
خيارات المساهمة

قش البطانة الفاقع
برعنو أمات براقع
أنا ما بديك: دهبي اللقيتو واقع

قش البطانة الفرهد
فوق المزرقن يرعد
انا ما جافيت لكن دريبك أبعد

الأخدر عيش الشاتي
صيفو وخريفو مشاتي
أرمولو القيد مفتاحو في حجباتي

ومن نظم البنات
الشايب ما بندورو
بالملالة فوق صنقورو
ناخد الصبي ساكت على حنجورو

الشايب بى التسلو
وبالشوكة التنكسرلو
شايب الضلال أحماني قريني أتلو

الشايب الجمجمــــة
نفسك دعاش الرمـــة
ناخد الصبي ساكت يبرد الحمى

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
حمدالجبيل الحساني; توقيع العضو
الرجوع الى أعلى الصفحة اذهب الى الأسفل
حمدالجبيل الحساني

حمدالجبيل الحساني

4
4

الانتساب :
29/10/2009

رقم العضو :
68

عدد المساهمات :
212


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12الإثنين نوفمبر 02, 2009 2:04 pm
خيارات المساهمة

قلتلا يا أم خديد بى نيتك انتى جزيتى
وبى رنعة ضهيرك زدتى لى أذيتى
كان ماك عارفة من جيهتك حمتى مزيتى
ليه عند الضحك تتنى؟ قاصده أذيتى؟

...........................................

قالت لى ياخوى عظمت لى جنيتى
أنا ياخوى مااا بقصد أذاك بى نيتى
لكن الله تقل لى الصدر فى بنيتى
يرجح بالضمير وأتنى من غير نيتى

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
حمدالجبيل الحساني; توقيع العضو
الرجوع الى أعلى الصفحة اذهب الى الأسفل
حمدالجبيل الحساني

حمدالجبيل الحساني

4
4

الانتساب :
29/10/2009

رقم العضو :
68

عدد المساهمات :
212


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12الإثنين نوفمبر 02, 2009 2:08 pm
خيارات المساهمة

أنا ماني التنبل الفي البيت صِنٍعتي حليبْ
بَدور الشًّدّة فوق إبلاً شوافي ونيب
إن حرًّت نخت الشكرة ما بنعيب
وإن بردت نكافيبهن سوالف أم طيب
********************
كم شديت على تيساً بسوك الناب
وكم جايب زَمَل من الرَّهد كَسّاب
حديث الناس كتير .. ما عندي ليهو حساب
إنقطَع اللسان يا فاطنة أبوك إن عاب
********************************
كم شدّيت علي تيساً بهمك الغَلة
وكم غوَّص بهن لامن شِهيرن حلَّ
ود مكّة بيقول يا خالي كيف الحّلَة
من سوقهن حلف بلال جنى خادم الله
******************************
كم شديت علي ضهر البِهمْك الشوكْ
وكم كرَّف قُروناً عَبَّكِن دايوك
أمانةَ يا حسن تاخد عشا الولدوك
ياتو الخَلَّسك وكت العساكر جوك؟
*********************
الليل حيلو روح وحس سروجنا يبنِّنْ
جدع النمّة ود أب زيد وصوتو يحنِّن
نحن الكُسًّر النظرة عيوننا تجنن
ديمة درقنا بي دم الرجال متحنن
*************************
كم بنداور المصرة ونمصرو ثديها
وكم بنشق عتاميراً بعيدة وتيها
يا نفس السواد المتعة كملتيها
أبقي لزومة وكت القرعة وقعت فيها

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
حمدالجبيل الحساني; توقيع العضو
الرجوع الى أعلى الصفحة اذهب الى الأسفل
حمدالجبيل الحساني

حمدالجبيل الحساني

4
4

الانتساب :
29/10/2009

رقم العضو :
68

عدد المساهمات :
212


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12الإثنين نوفمبر 02, 2009 2:11 pm
خيارات المساهمة

بشُوف دوبيتنا فاح عَطَّر ربوعك بربر
عروس الشمال زينة البحر والبر
شمينا البخور صندل مسك والعنبر
حطينا الرحال سامعين عشوقك طنبر
++++++++++++++++++++++++
تاريخا قديم كتبوهو ناس أحرار
رجا الدكة سعدابية حوش الدار
خلاوي الغبش قرآنَّا عالي منار
في كدباس نقيف يُطْرِبنا صوت الطار
+++++++++++++++++++++++++
وسط الحفلة جلست بي لطافة
اديبة وراقية لابسة لثوب عفافا
ما خانت الحليل وخاتية الإنحرافا
خابت الطامعين رجعت أسافا
++++++++++++++++++++++++
فاقت القمرة في ليلة تماما
ماذيني المنون كمان حالياه وشامة
عاش جواي ريدا وفاق حد التخامة
هزال جسمي وخراب عقلي هاتين العلامة
+++++++++++++++++++++++

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
حمدالجبيل الحساني; توقيع العضو
الرجوع الى أعلى الصفحة اذهب الى الأسفل
ودالشطيب

ودالشطيب

3
3

الانتساب :
09/10/2009

رقم العضو :
18

عدد المساهمات :
190


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12السبت نوفمبر 07, 2009 7:10 pm
خيارات المساهمة

في راكوبت الجبيل حضرنا حداكم
بي إذن الكريم أيام ونحن معاكم
نشم النسمة في الراكوبة نستمتع نضوقوا هواكم
نَصِل ارحامنا كم يسعدنا طيب لقياكم [center]

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
ودالشطيب; توقيع العضو
الرجوع الى أعلى الصفحة اذهب الى الأسفل
حمدالجبيل الحساني

حمدالجبيل الحساني

4
4

الانتساب :
29/10/2009

رقم العضو :
68

عدد المساهمات :
212


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12السبت نوفمبر 07, 2009 10:12 pm
خيارات المساهمة

ودالشطيب اخو قرب حبابك عشره
يوم تجينا نفرش الورد وندلي القمره
الراكوبه جاهزه حتى اللبن في العمره
اجيك نسيمة شايلو دعاش المطره
بدور اجيكم في شطوبكم راكب ودالسمره
نتسامر اديك علوم واخد معاك السهره

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
حمدالجبيل الحساني; توقيع العضو
الرجوع الى أعلى الصفحة اذهب الى الأسفل
ودالشطيب

ودالشطيب

3
3

الانتساب :
09/10/2009

رقم العضو :
18

عدد المساهمات :
190


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12السبت نوفمبر 07, 2009 11:37 pm
خيارات المساهمة

تِعِبْ التَّابَعِك دايرْ يحاكي قصيدِكْ
أعطاك موهبة المولى الكريم وُبْرِيدِك
كل ما نجتهد في الرَّدْ يجينا جديدِك
يمنعنا الكلام وان شا الله ربي يزيدِك
@@@@
الفال السمح شُغْلَ النفوس الصافية
تباشير الراكوبة طردت هبوبنا السافية
امتلَت النفوس زادت نِعَمْنَا الوافية
نحمد ربنا الجاب السلام والعافية

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
ودالشطيب; توقيع العضو
الرجوع الى أعلى الصفحة اذهب الى الأسفل
حمدالجبيل الحساني

حمدالجبيل الحساني

4
4

الانتساب :
29/10/2009

رقم العضو :
68

عدد المساهمات :
212


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12الأحد نوفمبر 08, 2009 12:38 am
خيارات المساهمة

ماني شاعر بلفق تلفيق هاوي لي الكلام والنم
حلفتك بالاله ياشطابي في الراكوبه نتلم قول تم
نجرب كلام الشعراء وبيهو نترنم
هم احسن مننا لكن لدرب نتعشم
العمر عده والفكر أظلم والبنات وأبل فراقن براهو بتكلم
انت الزوق وانت فارس قلم براهو بتنمنم
ماتجامل من في المهد يداب بتكلم
راكوبتنا نبنيها وفيها بنقيل ونجر النم
شوف ياود الشطيب دييييييييييييلك جونا ضوف انت طلق وان بقول حرم
وفي الختام نكرمهم ونقولهم صلو على النبي صلاةً تزوركم الحرم

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
حمدالجبيل الحساني; توقيع العضو
الرجوع الى أعلى الصفحة اذهب الى الأسفل
نون

نون

2
2

الانتساب :
16/09/2009

عدد المساهمات :
57


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12الأربعاء نوفمبر 25, 2009 2:50 am
خيارات المساهمة

الاخ حمد

ليه اوقفت المواضيع في الراكوبة ارجو ان تعاود نشر المساهمات

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
نون; توقيع العضو
الرجوع الى أعلى الصفحة اذهب الى الأسفل
حمدالجبيل الحساني

حمدالجبيل الحساني

4
4

الانتساب :
29/10/2009

رقم العضو :
68

عدد المساهمات :
212


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12الأربعاء نوفمبر 25, 2009 5:45 am
خيارات المساهمة

نون كتب:
الاخ حمد

ليه اوقفت المواضيع في الراكوبة ارجو ان تعاود نشر المساهمات

سودانية تهوى عاشق ود بلد
بعيون المفاتن شي ما ليهو حد..
التوب المهبهب فوق أم الضفاير
والخد المعطر زي أحلى الأزاهر
والخطوة الأنيقة ترنيمة مشاعر
أنا بي كلو عمري بمشيلا وبسافر
مين في الدنيا دية أجمل من بناتنا
الليهن قلوبنا والفيهن صفاتنا

.الاخت الغاليه نون خليك قريبه بس الراكوبه فيها عنقريب هباب
فيها الاخت والاخ والعمه والحبوبه انتي امشي بس املي القربه وجيبي المويه


راكوبة ودالجبيل  الظليلة 9DF75969

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
حمدالجبيل الحساني; توقيع العضو
الرجوع الى أعلى الصفحة اذهب الى الأسفل
حمدالجبيل الحساني

حمدالجبيل الحساني

4
4

الانتساب :
29/10/2009

رقم العضو :
68

عدد المساهمات :
212


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12الأربعاء نوفمبر 25, 2009 6:03 am
خيارات المساهمة

ودالحوري

-------------
ما بتدوم الخيرا ما دام
أخدي مشوارك يا جدي الشام
بي بعيد تديني السلام
بنخاف لابد نتلام
في العبوس الخيرا ما دام
**
يا قلُب مالَك تقول وَحْ
ويا وجع في سيدك نبَحْ
يا الدِفيفِيق الما وضح
لا إتغملْ لا شكوك سِبح
طيرو فوق العرجون نبح
**
يا قلب مالك بِتـَهِم
ترعى غنم إبليس تقسِّم
ربي كان قاسملَك قسم
في جنينة أم المون تشم
زي أم عجباً ما بيتم
ريدا زي عارية الهدم
ليلة تفرق وليلة تلم
في الشِتيل الشايل مِترَدم
سيدو فَسلان رامي الهِدم
عِن قُعاد الضُل يحرِّم
**
من صغير تبيت جِنيْ
حالي عُشرة وراضي والديْ
ما بيقولو لي الجيران أفيْ
إتقلَبْ جاي الجرِح نيْ
إتقلَبْ جاي الجمُر حيْ
داير أدُق طمبوري النِقيْ
ما بيونسني الليل شوي
داير أوصِّفا سمحة الزي
يا الولوف..أنا حِن علي
قلبي في كرعين الحِدي
وإنتا نايم وأنا جمري حي
**
أنا من صغير فوق الهانة والميل
فرشي نار وغُتاي المَلِيل
ليّا درَّت وعَتمت قبيل
ما حلبتها فأمري بستيل
**
النفس يا حوري أطربا
والهِِمُوم مِنّك بعدا
والحِمول فوق سِيدا أسندا
**
قلبي حافظ لي مِن مشا
البِسوِّي الخير بيلقا
والبِسوِّي الشر بيرجا
مالي ومال الهم مِتِل دا
**
يا كريم تديني الصبُر
يا لطيف تديني الصبُر
والثبات في كل الأمُر
النفِس غشّاشة و تضُر
المكتوب من الله يمُر
جنبها إبليس حافر مَقُر
شركو لي وكت الموت يضُر
يا الرسول من طبّاتُو كُر
الليلة حلوة وباكر المُـر
**
يا القلوباب أرفعوا الكف
ويا الفريعاب أرفعوا الكف
أقروا ياسين وكتِّروا التَف
الكويريق الما خلف
واليعوم تالاك إنزقف
حالي يا ست الريد وقف
وإنتي ليه ربطِك معاي مرق بف
**
أنا يا قِشيش هود الكُربِكان
الشِرِب بالنجمة رويان
عوّج أَلبِل وفقََّّع الضان
كل ما إتلقى في بكان
مرَّة كِلوة ومرَّة مُصران
فرّقتنا الماليها امان
كل واحداً بقى في بكان
**
إنتا يا إبليس لا تِتقَمِش
لا يغُرك عَجَب النَفِس
وإن لِقِيتلَك خير غادي أمش
نِحنا وإيّاك لا نِتهَبِش
ما بخليك ياك يا تبش

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
حمدالجبيل الحساني; توقيع العضو
الرجوع الى أعلى الصفحة اذهب الى الأسفل
حمدالجبيل الحساني

حمدالجبيل الحساني

4
4

الانتساب :
29/10/2009

رقم العضو :
68

عدد المساهمات :
212


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12الأربعاء نوفمبر 25, 2009 6:05 am
خيارات المساهمة

**************
يا قلُب مالَك تقول وَحْ
ويا وجع في سيدك نبَحْ
يا الدِفيفِيق الما وضح
لا إتغملْ لا شكوك سِبح
طيرو فوق العرجون نبح
****************

يا قلبي العِشقتا فلانة
أصبر عاد علي نيرانا
يا ريدنا
خليتي ام زهور طربانا
يوم مرّيتي بي ريقانا
ياخي خلي جفانا
راح النوم رحل خلانا
يا ريدنا
******************
الخِديد بالطِيب إتعجَن
يا الغرامِك سكن البَدن
العيون ناظرات غرَّدن
زادن الآلام والمِحن
يا حليل الليالي المَضن
يا آمنة..
راجيك من زمن
******************

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
حمدالجبيل الحساني; توقيع العضو
الرجوع الى أعلى الصفحة اذهب الى الأسفل
حمدالجبيل الحساني

حمدالجبيل الحساني

4
4

الانتساب :
29/10/2009

رقم العضو :
68

عدد المساهمات :
212


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12الأربعاء نوفمبر 25, 2009 6:07 am
خيارات المساهمة

تعالوا نجمع ادب المسدار والدوبيت
هناك ادب يمثل لنا ارث خالد وعظيم ولا ذال الناس يتداولونه فيما بينهم الا وهو فن الباديه وانسان الباديه السوداني الاصيل وللهمبات ارث خالد في هذا المجال الطيب ود ضحويه وطه الضرير ومن شعرا البطانيه المجيدين الحاردلو وحتى نهتم بفن وارث خالد تعالوا نحاول نجمع كم منه حتى نعرف القيم الجميله التي يحملها هذا المسدار

كقول احدهم

الناس في العروض ما تقيسه بي تيبانه
ما يغرك لباسن والعروض عريانه
ديل حراس رزق ذي التكنو امانه
ذي ابل الرحيل شائله السقى وعطشانه

وكقول الحاردلو في بشارات الخريف

الخبر الاكيد قالوا البطانه اترشت
وساريتن تبقبق للنهار ما اتفشت
وبت ام ساق علي طرف الفريق اتعشت

وللعبادي الشاعر المعروف قصه مليئه بالحكم والعبر طه وودكين نا خد منها مقطوعات

كقول طه
انا المالح الكارب خريفي وصيفي
والمتلك تبيع ما اظن اقيف فوق قيفي
كان ما الليله فوق بيتي وبحسبك ضيفي
في الشي السمعتو برد عليك بي سيفي

وقال في الثبات والوقوف علي المبدا
من الفيها ما بزح وان تزحزح مره
وان حيين نعود ان طال زمنا ومره
والزين ما بدوم والزول بموت فد مره

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
حمدالجبيل الحساني; توقيع العضو
الرجوع الى أعلى الصفحة اذهب الى الأسفل
حمدالجبيل الحساني

حمدالجبيل الحساني

4
4

الانتساب :
29/10/2009

رقم العضو :
68

عدد المساهمات :
212


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12الأربعاء نوفمبر 25, 2009 6:08 am
خيارات المساهمة

أُمّاتِي القِبيلْ
بي حِنّهنْ لجّـنّي
كَرفة وقَلدة
كيف شوق اللّبن رَجّني
حُزناً جاني في مَيْع الصِّبا يلَجِّني
أطلعْ مِنِّي يا جلدي المِنمِّل جِنيِّ
واطلعْ مِنِّي يا حُزناً بِقى مكَجِّني
+++++++++++++++++++

الناس في العروض ما تقيسه بي تيبانه
ما يغرك لباسن والعروض عريانه
ديل حراس رزق ذي التكنو امانه
ذي ابل الرحيل شائله السقى وعطشانه

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
حمدالجبيل الحساني; توقيع العضو
الرجوع الى أعلى الصفحة اذهب الى الأسفل
حمدالجبيل الحساني

حمدالجبيل الحساني

4
4

الانتساب :
29/10/2009

رقم العضو :
68

عدد المساهمات :
212


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12الأربعاء نوفمبر 25, 2009 6:10 am
خيارات المساهمة

وكقول الحاردلو في بشارات الخريف

الخبر الاكيد قالوا البطانه اترشت
وساريتن تبقبق للنهار ما اتفشت
وبت ام ساق علي طرف الفريق اتعشت
ففي القافية نجد العبارات تحدث عن نفسها مثـــــل :
تيبانه
عريانة
أمانة
عطشانة
فهذه الموسيقي تجسد سماكة البناء ووقع شاعريته الفطرية ..فالترادف يزيد النص قوة ويوضح المعني دون معاناة ,
والبناء الداخلي بتكرار حرف السين الذي يعبر عن أستمرارية الحركة الشفوية , وهي تدلل علي المواصلة وعدم التوقف:
تقيسه
لباسن
حراس
سقي
فهذا عدم التوقف هو من مميزات البادية في البحث عن الكلأ والماء ..وهو مجتمع في حل وترحال..وسط ..يمين ويسار.
فحرف السين ظهر اولا في الوسط ثم في المؤخرة ثم في بداية كلمة سقي ...هذا التبادل ايضا يعطي التوافقية في تناول المعاني التي يريد الشاعر ان يخبرنا بها أو تفصح عما يجيش بخاطره قبل أن تمتمل القصيدة.
ففي مجمله هذه الأبيات تعبر عن أحساس داخلي ورسالة يريد أن يوصلها يقول فيها :
( المظاهر خداعة ... ) ويحث الناس علي الصدق والمانة والتمظهر بالمظاهر الحقيقية دون رياء أو غش أو غيره.

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
حمدالجبيل الحساني; توقيع العضو
الرجوع الى أعلى الصفحة اذهب الى الأسفل
حمدالجبيل الحساني

حمدالجبيل الحساني

4
4

الانتساب :
29/10/2009

رقم العضو :
68

عدد المساهمات :
212


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12الأربعاء نوفمبر 25, 2009 6:12 am
خيارات المساهمة

الصهب والدليب ما بنفعن عكاز
والدرب الطويل ما بتمشي للراز
اسعيلك هميم تلحقيبو الفاز
عقب ما بعود حتى ان بقيتي الجاز
ثبات علي الوقوف في الراى واعتزاز بالنفس

وذي ما قال واحد في دروب العشق وهو في السجن

يا سيدي الحسن يا ب قبتن نصبوها
من بلد بعيد جابو الهدايا وجوها
وانا في السجن والبرتكان ختبوها

وذي ما قال واحد علي ايام الانجليز

يا سيدي الحسن يا اب قبتن مبنيه
اكتب لي حجاب من راسي لي كرعي
لو ما حكم الانجليز والايد بقت ملويه
بجلس مع البنات وبشنق الطاقيه

وقال واحد
مزروع الخواجات القلبني اسرقو
حارثو اطرش جايي من دار برقو
مزروع جوه يا يومه عوام البحورما بمرقو

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
حمدالجبيل الحساني; توقيع العضو
الرجوع الى أعلى الصفحة اذهب الى الأسفل
حمدالجبيل الحساني

حمدالجبيل الحساني

4
4

الانتساب :
29/10/2009

رقم العضو :
68

عدد المساهمات :
212


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12الأربعاء نوفمبر 25, 2009 6:14 am
خيارات المساهمة

من مسادير الفروسية والشجاعة, وهي من أهم صفات البدوي الذي ينبذ الخوف وكل من يتشبه له بذلك.
*******************
ولداً بطبـــــــق المســـــــــــــــرى فوق المســــــــــــــرى
يخلف ساقــــــــــو فــــــوق ضهــــــر ابوقوائم ويســـرى
حقــــــــــب قربينـــــــو فوق جربانـــــو خت ابكســـــــرة
فرقــــــــــــاً شتـــــــى من ناس يمــــــــه زيدي الكســـرة
.............................
وبعد أن هجع الليل ..أمتطي بعيره الطويل ذو الاطراف
القوية (أبوقوائم) وبدأ في السير.
والسير ليلا هو كناية عن الشجاعة حيث الجميع يهاب الليل
ووحدته وآفاته.
++++++++++++++++++++++++++++
++++++++++++++++++++++++++++

ود شوراني قال :

وريث كرم الجدود الفضله ماشي عديل
بقيف في الفاقه مهما تزيد بشوفها قليل
قال للّراح يوزع العَلوق لا تكيل
يات من سيد جمل يدخل براه يشيل
++++++
كتير من قلبه مؤمن بيك وفوقك نايم
عندك مستمر ضبح ام سناما قايم
كل الديش عموم .. المستقيم والقايم
يات من كان بِقول ان شاء الله خيرك دايم
++++++++
المكرمته زي عين البحر متّابعه
خلاوي مفروشة مضيوفة ساقيه وشايعه
خَتَرَانه الكرامةوقمنا يوم الرابعه
بتكسي ولواري الدامر المتّابعة
+++++++++++++++++++++++++++++
**************************************

ماذا قال شاعر البطانة في الباشندي؟
قال الشاعر رايق ود اللافض:

قلعات الطوال مطر الضراع مساهن
والباشندي روبات الكثر كساهن
عقيد أمات شوامس على القيوب لداهن
لقي غدار حمرب وبالوعر دشاهن

والباشندي: هي الزهرة تظهر مع أشجار الكتر ولونها أبيض وتكسو قمم الاشجار ورائحتها تضارع أروع العطور الباريسية.

لنخرج من الليل هل هناك نموذج للأصيل؟

نعم فقد قال الشاعر الصادق أب آمنة:

اتكجرن ضهاريها وهروهن برد
سون عجة الفوق جناهو مفرد
«أبوكتير» أملي ود ماع بلولة أزرد
وقمري نعمية فوق سنط الحفاير غرد

هذا منظر جميل وخلاب ولكن المطر وجد اهتماماً كبيراً من شعراء البطانة فماذا قال الشاعر رانف في اللنقيب؟

قال:

اتكاجر سحاب وابل المنازل وبيت
تكيك الضهري معجبو أب مصاعاً ظيت
اللنقيب جمع شابل المساند وعيط
وحرقوص أم مرويف رف وسماهو اتخيط



ماذا يعني أدب الدوبيت لأهل البطانة؟

يعني اللغة الرسمية لأن البطانة تعيش على الشعر والرمز يستخدم بكثرة خاصة في الغزل وكل من أجاد «الغنا» الدوبيت ارتفعت مكانته بين الناس.
++++++++++++++++++++++++++++
++++++++++++++++++++++++++
يُـــــــــوم مجنِّبين ماسكيـــــــن نَقيب الهـــــوْ
يُوم في ليلــــــة يابْسين فُـــــوق سُروجن كــوْ
مبـــــــرومة الحَشـــــا الميهـــــا التخيِنة أم بَوْ
يوم بنجيهـــــــا نازلين زي صقـــــــور الجـــــو
== ==
امــــــلالنـــا الكــــــــــدوس تمبكنـــــا ياعبـــــاس
مابـــــــترضى أم خدود جيبـــــــة الزمل يبـــــاس
دا الجابرنا على الحـــــــــــارة أم ضـــــرب رصاص
نحــــــن بنــــــــدركا وعقـــــــب الكـــــــريم خلااص
+++++++++++++++++++++++++
++++++++++++++++++++++++++
قالوا في الغزل ....
لاقني تلاته بنات بالشارع الوسطاني
وزنن وقتين والتالته من مصراني
اكشف يا حكيم ما اظني انفع تاني
يا ريت ان بقيت بن والبنات اقلني
جمعن محفلن في فنجان
امات رموش رشفني
وابقى مسواك اراك قامن دقش لاكني
********
الليل انتلت وانا عقلي حي وحي
وا شوقي لي ست الفريع الني
زراني طيفك وحبك اصلو نوسر بي
ذادت جنوني فوق الجنون البي
********
وقال كمان
انتي تشبهي اللبن القبيل حلبوهو
لا حمّض ولا غلت على الشربوهو
يا عنكوليب فداسي النقرشو ونقوهو
شوفتك ترفع الفوق ..الفوق الفراش مدوهو
+++++++++++++++++++++++++++

كان وقفت عديلة... وكان مشت بقياس
وكان عترت ... ضروري بتنهم العباس
إت يا شتيلة السيف...الضربو لية نحاس
ريقك دواء ... لي وجع العيون والراس
++++++++++++++++++++++++++

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
حمدالجبيل الحساني; توقيع العضو
الرجوع الى أعلى الصفحة اذهب الى الأسفل
حمدالجبيل الحساني

حمدالجبيل الحساني

4
4

الانتساب :
29/10/2009

رقم العضو :
68

عدد المساهمات :
212


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12الأربعاء نوفمبر 25, 2009 6:16 am
خيارات المساهمة

اللــــيله الصــــــــــقت بتقيلو نازل فوقي
في الفرقان لقاني و غاااادي من معشوقي
قت لـــــــــي عيني من هادا التلجلج روقي
قـــــــــات لي ما بروق لامن يجـــر واسوقي

الليله السقط عاملو هيصه و عرضه
تقرف حالنا يا اب شلهوب علاله و برده
قت ليهو الرجوع فوق ام جمالا فرضه
قال لي النصبر المامور اخاف ما يرضي
++++++++++++++++++++++++++
انتي تشبهي اللبن القبيل حلبوهو
لا حمّض ولا غلت على الشربوهو
يا عنكوليب فداسي النقرشو ونقوهو
شوفتك ترفع الفوق ..الفوق الفراش مدوهو
شبه محبوبته باللبن الطازج وما له من مزايا...ويبالغ في الوصف ويشبهها بعنكوليب فداسي الذي أختاروه اختيارا من بين الكل...اي هي الأجمل من بين البنات كافة.وهي التي عند رؤيتها تسترد الروح التي قاربت الي ساعة الرحيل.

كان وقفت عديلة... وكان مشت بقياس
وكان عترت ... ضروري بتنهم العباس
إت يا شتيلة السيف...الضربو لية نحاس
ريقك دواء ... لي وجع العيون والراس
++++++++++++++++++++++++++++++

جفلن منى صيدات الهويد الدرج
لقن الدنيا ماسكابى الدروب العرج
حليلت نجمهن ونجمى طالع برج
عدال ايامنا ما بقن المكاتم حرج
++++++++++++++++++++++++++++++مانى التنبل القاعد براعى الضان
وختار ببيت فوق قجة ام كيعان
صبارا على قدر الاله ان كان
انا ابو فاطمة فى اليوم السيوفو سنان
++++++++++++++++++++++++++++
ابل الرشايده مابسوقوها حمرة عين
القول موبالقرش واولاد رشيد صعبين
بارودن مــجرب فـوق جبـــال الطين
الابــل الحــمر امـــات وبرهن زيــــن
ما بغشاها سارق راجيهو ذو الحدين
ساقا العب قطعبها بحرين ومدريتين
قاعدين في جبل موية وسقوهم طين
جابوها الرشـايده اهل الصباح الزين
اولاد رشـــيد اهـــل الكــــرم والديـن
مـن اصـل عزيز معروف سنين وسنين
في ميدان الكتال منصورين ومتحدين
والجاهل الصغير طلقاتو بتشيل العين
كم طارت روؤس بامات ظروف تشحين
اســال ناس ترك كيفن كتالن شين ؟
++++++++++++++++++++++++++
يوماً تلقاني رابط حمار وبعلق
ويوماً تلقاني فوق ضهر العنافي مشلّق
يوماً تلقاني بعزم في الرفاقة بطلّق
ويوماً تلقاني علي فريق الجاهلة بحلّق


يوما في بسط عند المقسم نومنا
ويوم نضارى من لفح السموم بهدومنا
يوم بنوجب العملة ونجيبها لزومنا
نحن ان عبنا يا خلي ام رشوم بتلومنا


الليلة أم هلال أمست سراتك تاره
أسيادك سواويق لى الردوف الداره
إن بردن نكافيبن سوالف الساره
وإن حرن صناديدا نقابل الحاره
+++++++++++++++++++++++




آكل حارة مااضوق بارده ماك دارينـى
وانا اخو السارة كان يبقى الكلام عانينى



ومن هناك بعد ناس ثابت




الوقّل تعال .. من ديم رفاعـة نقـوم
ات لحمك كمل وانا عينى جافيه النوم
فى الحلة ام غفر لى قعادنا مافى لزوم
ات بتدور تبر البرارى وحشا المردوم
++++++++++++++++++++

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
حمدالجبيل الحساني; توقيع العضو
الرجوع الى أعلى الصفحة اذهب الى الأسفل
حمدالجبيل الحساني

حمدالجبيل الحساني

4
4

الانتساب :
29/10/2009

رقم العضو :
68

عدد المساهمات :
212


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12الأربعاء نوفمبر 25, 2009 6:19 am
خيارات المساهمة

صادني الصاد (محلق) وابتليت بي غيك
دعجة وكحلة وبضوي مع الكواكب ضيك
رفـك عالـي فـوق للمعالـق طـيـك
وسويتلي صي صي يا المقفـره صيـك







مرقت بي هنا بي اضانها سمعت كرة
وفوق كارتوت شخيتيرا تخين خـره
قلاتو الوهاط بي لشقة قبلوه محـره
يا باسط النعم اسقيها في هل المـره







ود عريج دومتك خرفت قلب القلادة كدوبة
وايـدك طولـت مـن شقـة البـادوبـة
أوام دنقـلا الفـي اللجـة قلـب الهوبـة
اترتـع تقـول شـارب لـذيـذ الكـوبـا







من عيشة الرذيلة ابليس حرمنا
ومن الحاجة التعيبنا نعز قدمنا
نحن اولاد كمال وافر كرمنـا
تستر الحال بارنا ان اصدمنـا

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
حمدالجبيل الحساني; توقيع العضو
الرجوع الى أعلى الصفحة اذهب الى الأسفل
حمدالجبيل الحساني

حمدالجبيل الحساني

4
4

الانتساب :
29/10/2009

رقم العضو :
68

عدد المساهمات :
212


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12الأربعاء نوفمبر 25, 2009 6:21 am
خيارات المساهمة

بَسْألْ في الخِلُوقْ كَايِسْ لِي خِبْرَةْ وْ دِلَّةْ
وينْ خَتَرُوا العَرَبْ عَرَبي الرَّحِيِلْهُن زَلَّ
وَاحْدَاً قَالْ لِي عُرْبَانَكْ عَقِيدهُـنْ دَلَّـيَ
في الوَادِيِ البَِعِيِدْ نزَلُوُا وْحَلالْهُنْ فَـلَّ
قَلْبِي بَشُوفُو مِنْ بَعَـدْ المَصَابَـرة مَـلَّ
يَقَّنْ بالفُرَاق نِسَيَ نَاسْ عَسَاكُـن ؤعـلَّ

+++++++++++++++++++++++++++
انا اشتاق لو يود وماني البدور تاخيـرو
الضامر الحشا وصاحب الخصير الزيرو
انا عاينت اشوف القاهو فـوق للغيـرو
حتى المراية تصر ان عاينت لي غيـرو







الفارع القـوام المـا وجـدت نظيـرو
انا شايف جفاهو اخير من محنة غيـرو
ناكـر للـوداد و مـا بيفيـد تذكـيـرو
هو يسو في الغلط و انا اسوي كتر خيرو


++++++++++++++++++++++++++

نحن الفوق كراسي المملكة اتحكرنـا
نحن ان هجنا سبحان من يصفي عكرنا

نحن اعدانا تثبـت فضلنـا وتشكرنـا

ويوم سل السيوف جنينا جانا سكرنـا



+++++++++++++++++++++
مطر الريد رشــــــع وأنا وإنتي إترشــينا
وإتشابينا فوق ضهر الســـحاب ومـشينا
وشك قوس قزح يا السـمحة يوم تغشينا
سارحين في الخُصل وجواالعيون طشينا
++++++++++++++++++++++++
إتلمينـا يـوم ســـــــــــكة غـرام جـامعانـا
مـن شــــــدّة فرحـنا الدنيـا ما ســـايعانـا
إتكت النجـوم لـيــــــــك غــــززت كيعانـا
واســـــدلت الخـمار ودر ضيــاك لمعانـا

تتناجى العيون والروح صحت سامعانـا
يالفي بالـنا يوت ســـــاكن قلوبنا معانـا

++++++++++++++++++++++++
زينب في البنات مي داب سماحة الزي
شــــــــــــن تشبـه بـلا الأدتو أمو ودي
فيهـا تلات خصـال تب ما حـواهن حي
الصبا و الجمــــــال عقب اللهيج الني

الحاردلو
++++++++++++++++++++++++
أيامك مضن متل البروق الرفن
كتر النوح عليك ترع العيون ما جفن
تاج عـــز الصداقة رقد معاك واتكفن
الجود والبشــــــاشة اتقالدن واتوفن

عاشقي البستحق قافي وبديع أشعاري
همـــــــــو دلاله بالحال العلي ما داري
كاتلني التيه الفـــــوق حجرته الجاري
باطلة فزعتي كبريتة وسجار وبحاري

أيامنا المضن كانن نســــــــايم هبن
أنعشن القلوب عتمن ضروعن كبن
فرهدن النفوس عيشن مورشل لبن
كاسات الحنان فيهن فضن واتعبن
+++++++++++++++++++++++

ســــبحان الخلق ســــــواها واحده فريدا
وخلى الليــــل يجي وينزل ينوم فوق إيدا
والنجم انتظم عقــــداً جمــــيل فـوق جيدا
زي طفــــلاً وديع من نظــــرة بس بتريدا
فـي الذوق والجمال ما شفت اصلي نديدا
++++++++++++++++++++++++
انا التوب العشـــــاري الباهي زيقو
وانا الدابــي إن كمــن للزول يعيقو
وأنا فراج الرجال وكتين يضيـــــقو
وانا المأمون على نســــوان فريقو
++++++++++++++++++++++++++
انا زول وفا ووفاء هى زولتى بريدا
انا كان كتفونى رجال بعيونى بحنن ايدا
واخلى الشمش فى خدمتا والنجوم يكونو عبيدا
++++++++++++++++++++++++

داق فيك رجال كتااار عز في وطاتك وخيرتك
وخرفك يبلع الزول جــــــــــووب توّزر هيرتك
الضايق لبِــــاك يعرق ويجــــــــفّ من سيرتك
الدم جــــــرتقك والخيل عجاجة ضــــــــريرتك

فارسـك ديمـا من دم المكـوك بتمرك
فايق فوق قفا الاصــــدل الملبد ورّك
سماك بتّك صعيد وشمال وكلو تحرك
متكّل مزنو متل شــتات رفاعة البرُك

ماتلـوميني كان كـاتم غـنـــــاك أزمـنت
بنقُد في القــوافي السمـحة ما تجابنــتَ
خابرنك صحيح مافقـــــــــدوك الســتنتَ
الســـــــــــيّاف مجدّر والدرق عي سنتَ

++++++++++++++++++++++++++
كضاب البقول أنا قلبي قط ما حبَّ
وما ستهرت يوم دمع العيون ما اتكبا
كيف الناس تعيش من غير حنان ومحبة
غير زولاً فقد مجــــــــــــنون وما بنطبا
++++++++++++++++++++++++
يوم قسمو الجمال أدوكي روحو وقلبو
وأدوني السهر جفني الغميدة تغلبو
في التلت الاخير الواعي يعبد ربو
وانا فتشت وين ابن الملوح دربو
++++++++++++++++++++++
العندو القرش الناس تعلى مقامو

والضاربو الفلس تتعوج القدامو

الضاربو الفلس تتعوج القدامو

يحقر بي الكديس دايما موالى حمامو
+++++++++++++++++++++


عناق ام شومري اللدت جناها التيها
يبقى وحيدة والا استأزرت بجديها
يا مولاي خف لبلودي هون ليها
حاجة لذيذة واتقست دروبي عليها

+++++++++++++++++++

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
حمدالجبيل الحساني; توقيع العضو
الرجوع الى أعلى الصفحة اذهب الى الأسفل
حمدالجبيل الحساني

حمدالجبيل الحساني

4
4

الانتساب :
29/10/2009

رقم العضو :
68

عدد المساهمات :
212


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12الأربعاء نوفمبر 25, 2009 6:23 am
خيارات المساهمة

قال الفرجوني في وصف كلبه عندما صدمته سيارة:-
ما دوامة يا تمام كيوف الشارع
اصلو الدنيا معدا والمعيشة شوارع
بعد ما كت سباحا يمينك ضارع
كتلت الليلة واتدردقت فوق الشارع

ثم يقول:-
ضربك لوري عاد ينشل يمين السايقو
وينعصر النفس تعدم عليهو طرايقو
مثل ما تف زورك قندراني يضايقو
.يتفو تفيف ملاح ما يلقا زولا يلايقو
وعندما حل ضيفا علي الشيخ المر ويريد أن يظهر أنه مظلوم من قبل هذا الشيخ دار الحوار التنالي :-

يبدأ الفرجوني الكلام
والله يا شيخ المر انا مظلوم والظالمني انت
بقع هذا الكلام على اذان السامعين وقوع الدهشة..
ظالمك انا؟ اتا منو يا خوي وجيت من وين ؟ يرد شيخ المر..فيجيبه الفرجوني شعرا..
جيت من غادي يا فارس الشوارف الغر
جيت من غادي يا صافي الحناضل المر
جيتك وعندي فيك أملا كبير يا المر
بدور كلبا من الغنم المعادي يجر
ويبدأ الفرجوني يبين مواصفات الكلب الذي يريده..
مرخرخ شاتلو لين ارساغ وواسع غر
باهي وريد منيع ليمان وفي عرقوبو لون وقصر
رقيق قدوم طوال اضنيهو ماهن صر
رهيفا جلدو زي توب السواكني الحر
يضحك شيخ المر قائلا ..كدي اشرب الموية وبرد حشاك وتمشي البيت نضبح ليك الشايلة.. وحرم كلبك قاعد ....تسسوقو معاك الليلة..
++++++++++++++++++++++++++++

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
حمدالجبيل الحساني; توقيع العضو
الرجوع الى أعلى الصفحة اذهب الى الأسفل
حمدالجبيل الحساني

حمدالجبيل الحساني

4
4

الانتساب :
29/10/2009

رقم العضو :
68

عدد المساهمات :
212


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12الأربعاء نوفمبر 25, 2009 6:27 am
خيارات المساهمة

يقول الحاردلو واصفا الشبل المستضعف.

جابوك للسوق ساكت درادر ضيعه

وامك في الحريم ماها المره السميعة

نثرة ناس أبوك اللي رجال لويعة

وإت كان كبر جنبا تقلب البيعة

***

جابوك في السوق ساكت وللفراجة

وأمك في الحريم مرة بتقضي الحاجة

كفتت ناس بوك للعافية ما بتتعاجة

وإت كان كبر ما بتنجلب لخواجة .
+++++++++++++++++++++++
الليلة المعيز ماظنى أنا ملاقيهن

ناطحات البطين أدن قليلة قفيهن

سمعن طنت الشادى وكتر صنفيهن

وعند اللاصفرار جلفن بشوف لصفيهن.
++++++++++++++++++++++
ودضحويه قال0



الليله ام هلال امست سراتك تارا
واسيادك جواميس الردف والداره
ان حرت صناديدا تقابل الحـاره
وان بردن نكافيبين سوالف الساره




وازيدكم من ودضحويه0



الليل امس والنعسان جرايده يرحـن
كبس الهم على السط قلوبـن وحـن
كضم الجره سمار الغروب اتمحـن
نعود سلمانه ياعمر الظنون ان صحن







نم نـم اجنـا قـول كـلا م الطيـب


واحدين فى البيوت مثل الكلاب الشول
قاعدين لى مشاركة الحديث والقـول
وحدين فى الغروب ياشمه تامين حول
كسر فـوق دبابيكـن يكتلـو الـزول

++++++++++++++++++++++
شهريـن ازرقيـن عينـي مـا لمحنـك
بت ناسا عزاز فرك القرمصيص جرحنك
سقاك المولى بالـدرا والجزايـر حنـك
جننتى الرجال حتـى البنـات عشقنـك


+++++++++++++++++++++++++

الليلة الصعيد قامت عليـه جنونـو
وكب المزن فوق حدبو الكتر ليونو
ابو رقبة البضون في الشفاتي سنونو
لينا عديدي من جقرو ومسك عربونو


+++++++++++++++++++++++++++++

الطيب ود ضحوية قال:


ناس قدر الله قاعدين فى الفريق مكبرين عمامن
عدمو الصيبة والزول اب عوارض لامن
اندرج الصناديد والضــــــــرير قدامن
نوو العودة لى الماسـكات عداد ايامن

وقال
:



ما بتبن الجـارات واخـون الحـرة
ومانى دغور بيوت بعقب بحل الصرة
ساوى ضراعى للفارس العنود ومشرة
بازل مالـى للقاصدنـى قاعـد بـره



وقال:



الليل امسى كلب الحر بجض بارينا
وعقبان السمايـم عكـرن صافينـا
اكان مو الحكومة مشيلـه القربينـا
الا اسويه لعب ضمنة وكمان كشتينة
++++++++++++++++++++++




كم شديـت علـي تيسـاً بكسـر الهربـه
كـم شقـق فيافـيـاً مقـافـي المـربـه
كـم يـاود فكـاك ضايـق درادر وكربـه
انا اخو السمحه عن صر الوجوه في الغربه







كم شديت علي سبحه وحقبت ابريق
كم نزل مصاحف وكم اخذت طريق
كم جالـس جنياتـاً كلامـاً يشيـق
يلفوك في اخلا ساعة الوكر والضيق







كم شديت علي سبحه وحقبت دلائل
كم ضبح كراماتـاً مدمـه وسايـل
كم جالـس جنينـاً كلامـن خايـل
ان وقع القدر ماني المطرطش مايل

++++++++++++++++++++++
ود ضحوية قال

لا يهمٍك كلام ناسا كتير منهدة
هزى ونسفى اللاعند الفنايد ندَ
يعجبٍك عوسنا وكتين الضراع يتمدا
عيدى الرقصة عقبان السما الينقدا
ــــــــــــــــــــــــــــــــــــــــــــــــــ ـــ
وقال
الليلة السجن جابلو انكتامه وحرة
ونحن جرارقو بحدث فى الجنَى البره
سحار الغروب راجينا كاضم الجٍرة
بلحق بيك مراح حسب الله وين ما خرَه
ــــــــــــــــــــــــــــــــــــــــــــــــــ ـــــــــــــــ
وقال
الليلة السجن فى بلاط وسيخ متعارض
وسادنو علي من النسيم البــــــــــارد
يا رايح البلد قول لـ ام فكيرن شارد
كل ما يشق صباح شايل جرادلى ووارد
ــــــــــــــــــــــــــــــــــــــــــــــــــ ــــــــــ
وقال
الولد البرَضى النَيه مو نوام
حقب قربينو فوق ضهر المسرٍى وحام
اندمرن سروجو وكملن الأيام
واتشلَع ستار القبلة من قدام
ــــــــــــــــــــــــــــــــــــــــــــــــــ ـــــــــــــــ
وقال
واحدين فى البيوت بى ديك جداد رضَوهن
وواحدين راحو بالخلا والفيافى نفوهن
بلد الانقليز عقبنو ما شافوهن
وقفن زومة يا طه العليقات جوهن
++++++++++++++++++++++++++++++
+++++++++++++++++++++++++++++
عديم القرش فى الناس هزيل ورزيل
وقدر ما يحسٍن اخلاقو بيقولو ثقيل
والعندو القرش أكان ريالتو تسيل
تحترمو القبيلة تسوى ليها دليل
ــــــــــــــــــــــــــــــــــــــــــــــــــ ــــ

نحن ولاد جعَل ضربتنا ما بتجلى
شلنا سلاحنا مرة نوَطى مرة نعَلى
دايرين نزرع الهوبلى كيتن للنجس
اللا بصوم لا بصلٍى
ــــــــــــــــــــــــــــــــــــــــــــــــــ ـــ
نحن ولاد جعل الجدنا العباس
دايرين نستعد دايرين نشيل رصاص
دايرين نزرع الهوبلٍى كى للناس
وعقبان ننهرُن يا كلٍب ويا جرجاس
+++++++++++++++++++++
***************************************
************************************
رائعة ابشر ادريس

ليمونة ياليمونة يا ليمونة ............
من بعد الخضار مالو اليباس عماكي
الحال من عطش والله العلي مساكي
والله أشتقتي لي لبناً يمصـــو جناكي
++++++++++++++++++++++++++++++

الليل دخل وبردن نسايم صيفـو
والمطر النزل زان بالشدر عُلّيفُو
الزول السمح غلب القلم توصيفو
شن يشبه بلا القش البفرهد قيفو







قصبة مزلق الـوادي الغشانـا خريفـو
فتحت فوسيبا لبن وبانت عويشات ريفـو
من قمت.. عقلي خابر للخـلا وعِرِّيفُـو
علا بعد فلانة مزاجي ، مين البيعدل كيفو







بتيخة الروى المشتولة فـي حيضانـة
خدرت استوت بالموية تـب رويانـة
السبب الملخبتني وعضاي زاد رجفانـا
فوق ديسا الليالي صبحت عديل خجلانة

+++++++++++++++++++++++++
الرائعة
التي نظمها لفقيد الشباب حسن محمود حسنوك غفر الله له
حفيد جدنا ( الشاعر عبد الحميد حسنوك ) رحمه الله –
الذي كان مبدعاً في هذا الفن وألف الكثير والكثير


*( حسنوك الأصَــمْ )*
يا حســن الأصــم يا حـفـيـد حسـنــوكْ
يا ود الـقـبـيـلـة الصّح جـدودو مـلـوكْ
قدام في الصفوف ما بيرجى كلمة عوكْ
فـي يـَـوم الـفـزع داس الحديد والشوكْ
*** *** ***
مـديّــن قـبـيـل مـن هَـــبّ مـو لـعـَـابْ
بخشـيم ما نضـَمْ في فارغة ودّا وجَابْ
من ساعة صغيرما تناسا واجب وغابْ
يــا ود الـرُّضَـا الـمَـافي بعَـدُو إنجَـابْ
*** *** **
محمود أب عرب من ضهرو جيتنا حفيد
يـَـا نِعْـمَ الـولـد الـفـي طبـايعـُو فـريـــدْ
في يـوم المـفـاوز هجـت ناسـف القـيـدْ
يا أسـدَ الـدَّغـل اللـي فـريسـتـو يصـيـدْ
*** *** ***
يا مك ود مكوك فصل عبابدى أصـيلْ
ما بتعرف تـفِـرْ ساعة تعـركـس خيـلْ
يـا نجـم الـمـفـازة الـمَـا أفـَـل بـي لـيـلْ
يوم تجـفـل جمُـوع للواقعـة إنـت تشيلْ
*** *** ***
لـبـيـت الـنِـّـدا حلـيـتهـا سـاحـتـَـك تـَـوْ
زي الـباز خويت سكيت صقور الجـوْ
يا الـودق السَّـري فاجي الحوالك ضـوْ
يَـتـّـمْـت الـرجَـال خلـيـتـو عازلك بــوْ
+++++++++++++++++++++++++

فرع المحلب الجرجر وضيبو
ليالي الصيف يضربك همبريبو
بدق ليك فضه مركوب تلعبيبو
ترى الزول مابفوت رزقو ونصيبو

تمر المشرق العلولو سامو
قبل ماينجض السبابة حامو
الزول في الدنيا ياخذ قدر ايامو
عليك يا الله مو عارف القدامو
+++++++++++++++++++++

ماجب ياجنوب عرفا يـداوي هواهـن
يبرد مني سراجـاً عضامـي شواهـن
ولاليك علم من المروهن جناني معاهن
يبقن غادي واللا على التراخي جناهـن
ارجوك يانسيم ان عدت السحر نحواهن
اجلس داخل اخيـام اللكيـب واقراهـن
في خدوراً عوالي وشامخـات تلقاهـن
مكتوبات حروف الريدة فـوق اجباهـن
خلقتـة ربهـن دعجـاً مزرقـن فاهـن
جل صنعيـن ساهـن سمـح ختاهـن
بوبح عنقهـن عنـد النصـف رقاهـن
خـدودن ينـورن الظـلام خـلاهـن
من لمس ايدي جيزان الدمـوع بشاهـن
باتـن فـي الشلـخ للنافلـه ماقشاهـن
اخ واغلبي ابصاري الغميـد جافاهـن
طربن في السهر والنوم ابنـو واباهـن
بعد ماقلـت خلنـو الحـزن وبكاهـن
اخ يافلانه نيشانـك بطونـي شواهـن
وخش علي مساميـر العضـام فكاهـن
بلا دارات كي مك المحجور علي لماهن

+++++++++++++++++++++++
ماني التنبلي العوقة البدقو نديدو
ايدي نقية يام شلاخ محل ما تصيدو
الرزق المحدد للعبد من سيدو
لا تقلو البشاشة ولا البخالة تزيدو
+++++++++++++++++++++++++++

الشعر الشعبي نوعان الدوبيت الفارسي المعرب وهو فن حضرى نقله العرب المشارقة في العصر العباس من الفارسية إلي العربية ، وقالوا أن دوبيت كلمة فارسية معناها البيتان.



الدوبيت الرجزى وهو قد نشأ في البادية ولا يزال أشهر أنواع الدوبيت بين السودانيين، وقد علل المؤرخون أن الرجز نشأ مقترنا بنغمات سير الجمل إذ يخفف عن الجمل وراكبه مشقة السير الطويل ، ذكر الأستاذ محمد نور سيد أحمد من القاب الشعراء الشعبيين، والراوي هو الذي يقول الشعر من وجدانه ومن يحفظ شعر غيره أيضا يطلقون عليه " راوي"



اللبيب هو الذي يقول الشعر ويغيبه بنفسه ويرويه غيره.

المادح هو الذي يقول المديح أو يرويه عن غيره في الشئون الدينية، كمدح النبي والأولياء ومشايخ الطرق في أذكارهم .

النميم هو الذي يترنم بالدوبيت.

وعلل المؤرخون منهم الدكتور عبد المجيد عابدين في كتابه " تاريخ الثقافة العربية في السودان" عللوا أن دخول الدوبيت في السودان تم بواسطة رجال القوافل بين مصر والسودان عن طريق د نقلا غربا وأخري عن طريق اسيوط الفاشر " درب الأربعين " .


الحاردلـــو

حينما تتحدث عن الشعر الشعبى في السودان أول شعار يتراءى لنا الشاعر السوداني الشعبي محمد أحمد ابوسن الملقب بالحاردلو ولقب محمد أحمد ابوسن بالحاردلو في سن الأربعين نسبة لانه كان حاد المزاج يثور لانفه الامور فاشتهر بين قومه بالحار ولما تولي منصبا اداريا فقد ثار عليه الأهالي وطالبوا بانزاله من هذا المنصب الحار دلو أي الحار طباعه أنزلوه، ولد الحار دلو سنة 1820 م وتوفي في سنة 1917 وقد كان والده أول مدير لمديرية الخرطوم.



والحاردلو من قبيلة الشكريه، وهي قبيلة عربية عريقة ، قدم الشكريه إلي السودان في أوائل القرن الخامس عشر وسكنوا حول جبل قيلي .

وقد عاصر الحاردلو الخليفة عبد الله التعايش وقضي فترة من حياته في ام درمان وشاعرنا الحاردلو وصف في شعره جمال البادية، وتغني بالشجاعة والكرم، أما في الكرم فإنه مثله الأعلى ينصب في هذا الشخص الذى يقول فيه .

ما أكل حلو بيتو والمعاه جيعان

وما لبس الرفيع والمعاه عريان

مامون السجايا اليستودع النسوان

ضباح الخلايا عشا الضيفان



وأما في الشجاعة فقصيدته الشبل المستضعف خير نموذج لقوة الوصف، يعلل الاستاذ حسن عباس صبحي أن الشبل المستضعف هو رمز إلي الشعب السوداني في تلك الفترة العصبية التي عاشها تحت ذل الاستبعاد، وهو بلا شك تعليل مقبول، فالحاردلو شاعر سوادني عريق، انفعل بالحوادث التي المت بقومه، فكان شعره مرآة تعكس البيئة السودانية.

يقول الحاردلو واصفا الشبل المستضعف.

جابوك للسوق ساكت درادر ضيعه

وامك في الحريم ماها المره السميعة

نثرة ناس أبوك اللي رجال لويعة
وإت كان كبر جنبا تقلب البيعة

***

جابوك في السوق ساكت وللفراجة

وأمك في الحريم مرة بتقضي الحاجة

كفتت ناس بوك للعافية ما بتتعاجة

وإت كان كبر ما بتنجلب لخواجة .



أما في الوجدانيات فشاعرنا الحاردلو له جولات وصولات في التغزل في الحسان، وشعره يعتبر تخليدا للمقاييس السودانية في النواحي الجمالية للمرأة السودانية، ولكي لا نطيل علي القارئ الكريم نكتفي بهذه اللوحة الفنية التي يصور لنا فيها الشاعر جفلة معيز البطانة في وقت الأصيل، يصور لنا الشاعر احاسيسه ومشاعره والحسرة تملأ نفسه، والحرقة تلهب عواطفه المشبوبه عن مدى تشوقه إلي منظر المعيز، تلك الظباء التي تعود الشاعر أن يلتقي بها في وقت الأصيل يستأنس بجمالها الخلاب.



الليلة المعيز ماظنى أنا ملاقيهن

ناطحات البطين أدن قليلة قفيهن

سمعن طنت الشادى وكتر صنفيهن

وعند اللاصفرار جلفن بشوف لصفيهن.

++++++++++++++++++++++++++++
مسدار و دوبيت واحدة مجنونة

--------------------------------------------------------------------------------


عين قويه خطفت أبو وليداتي وركبتني التونسية ...... انتو يتقولوا علي مجنونه ومغشية .... لكن انا السويته ليه كتير ما شوية ..... انا شاحدة ربي يتقطع ويتبهدل يقعد يرقع في الطاقية ....
كسرت ليه الثلج ولأوامره بقيت منبرشه .... قريت ليه كلامي الفي زمن خطبتنا ليه كتبتا .. مسكته من ايدو مسكت الرومانساب وقلت ليه نمرق بره نتمشي .... حنكشته ودلعته قطعت ليه عيد ميلاد من راسي وليه الاربعين شمعه ولعته .... شن طعمك يا ام فتفت بدونك يالكرشه
كحلت العينين لبست الحلق في الاضنين ..... رسمت الحنة بي آخر موضات النكشه ... خلاني مغلوبه على امري وفي البيت منكمشة ........... حرقت قلبي بخرت دمه وبي قانون إزاحة ارخميدس ليه حسبتا .... كترة علي الهموم وبي قانون فيثاغورث ليها ضربتا ...... انتحل جسمي شحب لوني زي دولاب ملابس مضروب بي جملاكا ....... تفتش في الحسب والنسب يعني خلاص لي البرت انشتين ناسبته ......... عامل فيها رشيق و جذاب (اسحق نيوتن ) ولي التفاحة ما أكلته .... ارجع لي وليداتك وشوف دربك لي الله ورسول مكة
++++++++++++++++++++++++++++++
عمنا عكير شاعر الدامر يقول
عهدنا معاك كندال حربة مابتشلخ
وصرة عين جبل معقودة ماب تتفلخ
أكان اٍيدينا فيك من المسوك تتملخ
السما تنتكى وجلد النمــــــل يتسلًخ

وقال
ياعينة الرخا الضهريها لاقا صباحا
فيك سراً عظيم وانا قصدى ليهو اٍباحة
أفعال الظـــــــــــلام اٍيــــاك نـــــور مصباحا
تمشى على مهلتك والـــــــــــرجال شــــباحه

وقال
سيبوالوادى سيبو الوادى قيراط فى الأرض مابندى
اٍلا مراكــــــــــــــــب العـــــدو فوق دمـــــــــــانا تعدى
مابننسى القــــــــــــديم وقلوبــــــــنا ما بتــــــــصدى
جرحـــــــــــــنا مغــــــــــوٍر تمـــــــلى منــــــــــــدى
++++++++++++++++++++++++++++++الطيب ود ضحوية قال
ناس قدر الله قاعدين البيوت زى الكلاب الشول
وفالحين لى مساوقـــــــة الحديــــث والقــــــول
وواحديـــــن فى الغروب يـا شمـــة تامين حــول
كُـــــــــسر فوق دبـــــابيكن بكتـــــلوا الــــــزول

وقال
ناس قدر الله قاعدين فى الفريق ماب ختروا
ومن كُـــبى وكشف حال الحــــــريم ما بفتروا
اٍلا اختر براى أسد الرضــــــيمة بنُـــــــــترو
وصاحبى اٍن زلَ ما بفــــــــشاه ديمة بـــــسُترو
+++++++++++++++++++++++++++

بشوف صيداً قنص تحت الشديرة
بشوف نوراً نهر فاق البديرة
عجو المحس الممسخ كل سكيرة
متلك في الحسن ماشف اميرة

بشوف عمماً جكان علينا جاية
بشوف واحداً مزين بي عصاية
يكون صلحاً بدور ناس القراية
اريتن يبقوا ناويين ناس هناية

اقيف يا حادي وريني الحكاية
بدور اعرف تفاصيل الرواية
متل مريودي ماشافت مرايه
اريت مقسومي يبقي مع هناية

آيه بلقيس كان ضربت عنيق اوصافا
جم شيتاً يبذ حنية صعبة اوصافا
واصفين الوصف مابوجزوها اوصافا
والوصف الوصيف اقل من اوصافا
++++++++++++++++++++++++
حلاة القدلة فوق صيدةً اسمها حليمه
يطوطِح كفلها الناس النفوسها سليمه
ترعاها العيون ساوات ضميرها وليمه
انكسر اللجام ركَّبنى فيها جريمه
++++++++++++++++++++

رِكِب لِك فوق جموحاً ما بتدور الَّلكه
جيتِك كارِف المحلب بدور الدِّلكه
من جخنوب دروبِك ما بخاف والشِّبكه
دحين يا ام رشيم ارجينى فوق الدَّكه
+++++++++++++++++++++
نهدا دق تبل ماهو المدوشش قرو

يلعب حردفى توو المراقد ترو

فى بوش العصير الناس يقوموا يبرو

فوق ندادها كرباج النصر بتورو
+++++++++++++++++++++
لخلوخة تقوم مسايسه ومفروقه

بين التقنتين دفق البصير ماروقه

ان جلست معاك وان سمع منطوقه

على المشببات بلحيل بعيد معلوقه
++++++++++++++++++++

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
حمدالجبيل الحساني; توقيع العضو
الرجوع الى أعلى الصفحة اذهب الى الأسفل
حمدالجبيل الحساني

حمدالجبيل الحساني

4
4

الانتساب :
29/10/2009

رقم العضو :
68

عدد المساهمات :
212


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12الأربعاء نوفمبر 25, 2009 6:33 am
خيارات المساهمة



مسدار المطيرق

الحردلو – عبدالله احمد ابوسن

أصل المسدر أن الحردلو كان معجب بفتاة اسمها الروضة بت السرة وكان له ميعاد معها لشرب القهوة فحضرت لموعده ولكنها وجدته نائماً فأخذت عصاه (المطيرق) وعادت بها ادراجها واخفتها لكى تثبت حقيقة حضورها فخرج هذا فى إطار التداول الشعرى العادى الى اشبه بالمسرحيات الشعرية فى صورها المعروفة حيث تتضمن عناصر الحكى والسرد فى الإطار الشعرى ، وهناك تشبيهات فريدة وبليغة .
يبتدر الحردلو :
ذكرتى بالبنات لا عن مصوع فاحت
ضايق غلبهن من شينتن بتاحت
جدع ودعتن بالليم على ما طاحت
هبرت كفتى وعقب المطيرق راحت
فقال له عبدالله مداعباً :
أصبحت المطيرق فى نعيم وسروره
وات النوم عبدتو وما قريت لك صوره
ساعتين إن صبر كت تحظى بالبتدوره
سعدك إن رقد ما بجبر المكسوره
الحردلو :
سرفة عينى داك الليله ماها مريه
أصبح حالتى مثل الدخلو الظبطيه
أترجاك يا ابو التايه اول سيه
ما اتواخد اكون فى حالة غير مرضية
عبدالله :
مسامح يا ابو يوسف ولو فى ميه
نعمن للدغس بتمسح القافيه
إن بقى للمطيرق شيله جاب لو حكيه
مى مسروقة لكن فيها حكمة خفيه
الحاردلو :
بعرفك وكت تقوم فى حجازه واجواديه
تبذل فيها جهدك بى صفاوة نيه
معلوم تصلح البطحانى والشكريه
لكن المطيرق ما بتجى غير ديه
عبدالله :
شيلتها فى الحقيقة مثبتابا الجيه
خوف مسك الضهر واللوم مع الكليه
بى أسباب المطيرق لا تشيلك ديه
أنا ملزوم بها وعقب الضمانه على
الحاردلو :
مطرقى من بشم مرداء من الغصان
ونونايا كتير جادعاه على الجديان
سراق المطيرق فيهو نوع رسيان
مو متل سراق حمارة المسمى اخوك حسان
عبدالله :
شرف المطيرق سيتها زى الزان
دا كلو السبب بريبة العنقان
والمناها ها السرقة ام حديثاً بان
كان تتنى فوقها نكتر الأوزان
( أنس ... وصمت )
ويدخل عدلان ود على
جيب قاف المطيرق خلنا النتسلى
نتجادعبو فى مجلس أخوك عبدالله
اضحك وانبسط خل فاطرك اللنحل
مى مسروقه اصلها عند برنجى الحله
الحردلو :
طول بالعسين قانص بدور كلبى
ما لقيت مستحق نمى ونوادر قلبى
دحين يا راضيه كان فد يوم معاى تنسلبى
هاك يا سمحة زى ما تدورى منى اطلبى
عبدالله :
من حسس أم رشوم الحار بقول وآ غلبى
مما لقيت لى وجيعاً يعرف الحاصل بى
شمبانيها مو برانى خافس قلبى

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
حمدالجبيل الحساني; توقيع العضو
الرجوع الى أعلى الصفحة اذهب الى الأسفل
حمدالجبيل الحساني

حمدالجبيل الحساني

4
4

الانتساب :
29/10/2009

رقم العضو :
68

عدد المساهمات :
212


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12الأربعاء نوفمبر 25, 2009 6:35 am
خيارات المساهمة

الشعر الشعبى النسائى فيه من حقائق تاريخية وسير وبطولات سجلها الشاعرات المفاخرات بالابطال و بالقبيلة لقد لعبت المراة السودانية منذ القدم دورا بارزا فى امبراطوريات نبتة ومروى فكانت الكنداكات حاكمات مملكة مروى وكانت الامهات يملكن وكانت لهن اهراماتهم الخاصة بهن ومسئولات عن المعابد مثل امانى يخت والتى تعنى ابنة الاله امون رتس وقد قادت الكنداكات الجيوش و اعتلت مع الفرسان صهوة جياد فى تحرير مصر من الهكسوس ولعل من اهم الاحداث فى تاريخنا ان العرب المسلمين وصلوا للسلطة فى السودان عن طريق قوانين الوراثة فى النوبة والبجة كانت تعطى حق الملك عن لابن البنت ومن ثم كان لزواج العرب من بنات الملوك المجال للوصول للملك فى عهد الفونج كان للمراة دورها مثل الملكة نعرة بيت عدلان. كانت المراة السودانية فاعلة ومتفاعلة فى الحراك الاجتماعى السياسى تاثرت مثلها مثل الرجل بحركة المجتمع من حولها وسجلت مشاعرها فخرا وحزنا و فرحا فى شعر جميل رصين
و الشعر الشعبى النسائى فى اساسه يمثل ما يحدث فى المجتمع وهو شعر البطولة والفخر و الرثاء واغراضه هى اغراض الشعر العربى المعروفة الفخر و المدح و الرثاء والنسيب اى الغزل وهو ضرب موجود فيماعرف بغناء البنات و الشعر النسائى الشعبى كان ولايزال موضوع للغناء و الترنيم و عادة السودانيين لا يرددون الشعر الشعبى الامنغما و موقعا سواء ان كان غزل او هجاء او فخر او مدح او رثاء و ذلك لما فى الموسيقى من اثر فى نزع الاحزان و تخفيف الالام تصوير فنى للاحداث القومية وترجمة فنية لافراح الشعب و احزانة و تجسيم اماله و احلامه و ان كان اشهر الشعر الشعبى النسائى ارتبط بالرثاء او الفخر فنجد قصائد بنونة بت المك مرثيتها الشهيرة لاخيها عمارة الذى مات مريضا بدلا عن ان يموت فى ساحة القتال التى قالت فيها

موهو الفافنوس موهو الغليد البوص
ود المك عريس خيلا بجن عركوس
احى على سيفو البحد الروس
ما دايرالك الميتة ام رمادا شح
دايراك يوم لقا بدميك تتوشح
الميت مسولب والعجاج يكتح
احى على سيفو البسوى التح

وقالت ايضا فى رثائه

لواى سلسلن قاهرن بلا تحنيس
دراج غافلن و قتين يجنه جريس
احى على قلبه بعد ابليس
عزتك القبائل من الباوقه لشندى
فارس امات لطام امات خديد بندى
احى على قلبه بعد ابليس
+++++++++++++++++++++

و الشاعرة بت مسيمس التى شهدت وقائع من عهد الحكم التركى و هى تصف حال الدولة فى كلمات بسيطة



قولن حى على الدولة ام نمش و نيشان
فوقها صال فارس اللقا ام دخان
شدولوا ركب فوق قارحا تغيان
فارس الجروة حامد اول القيسان
+++++++++++++++++++++++++++++
والشاعرة شريفة بت بلال التى تغنت مفتخرة بنفسها انها شاركت مع الرجال فى الحرب


انا شريفة بت بلال بت العسكر العدال
سنة حرابة سنار سنة الكبس والشوتال
انا حاربت مع الرجال
+++++++++++++++++++++++++++
ما قالته أخت الملك ناصر ملك العبداللاب:



فُوقْ نَاصِر بَقُولْ شِعري ولِسَاني مَطَرَّقْ
جَبَلِي البيهو مِن العَادِيَاتْ بَدَّرَّقْ
حَصْحَاصْ البَلِيلَةْ الفِيها جُوَّه مَحَرَّق
يا ابْ سَدْرِاً مِثِلْ بَحَرَ المُحِيطْ الغَرَّقْ


عهدنا فيك كنداب حربة ما بتشلخ
صرة عين جبل ملوية مابتتفلخ
من المسكة كان إيدينا يوم تتملخ
السما ينتكي وجلد النمل يتسلخ
++++++++++++++++++++++
بت مسيمس
عاشت فى الجزء الاول من القرن التاسع عشر ، واذا مضينا الى الحكم التركى المصرى نجد الادب الشعبى البطولى يتغير
كثيرا فنجد فى الحكم التركى الشاعره "ام مسيمس" تتغنى ببطولة الزبير رحمه وغيره وهى تنتسب الى قبيلة المسلميه ال1ين
الذين يعيشون فى الجزيره وادركت شطرا من عهد المهديه وسجلت بشعرها ايام الحرب فى ذلك العهد كحرب النضال التى
وقعت 1277ه بين الكبابيش وحمر.
وفى عهد المهديه اشتهرت "بت مكاوى " بالتغنى ببطوله المهدى والتحريض على الحرب والاتراك ومن ذلك قولها :

طبل العز ضرب هوينه فى البرزه
غير طبل امبكات انا مابشوف عزة
ان طال الوبر واسيه بالجزه
واما عم نيل مافرخت وزة

وقالت فى تمجيد عبد القادر ودحبوبه وهو يقاد الى حبل المشنقه بواسطة الاستعمار:


الواعى مابوصو من امس الضحى
تورى اب زنود ساقوا يامقنع ولياتو
تور بقر الجواميس العليك الرك
ياعقد الحديد للحلبى مابتنفك
تورك يا ام رشوم سما فى الحلق عشرق
دقيت الجسر وحاجز مشارع الحق يامقنع ولياتو
+++++++++++++++++++++++++++++
الشاعره ام برعة بت ود الفحل
مدحت الشيخ ود بدر الكبير نذكر منها

الشـــــــــــــــــــــــــــــــــــيـــخ سيــــــــــــــــــــــــــــــروه
النصيح حديدو والبريد الشيخ انا بريدو
الشيخ سيروه
غنت ليك البنيه بنيه سمحة وفنجرية
قالت الشيخ دهب الوقيه
وقالت مابدى الشوية
ياك ابو امنه ورقيه
شمر ماتشمت على
الشيخ سيروه
غنت ليك السراره
قالت الشيخ وارث الشطاره
يوم دخل لاالبقعه جالا
كمل قماش النصارى
الشيخ سيروه
البريد الشيخ ان بريدو
تلاته ارادب غداء
وتلاته ارادب عشاء
ولد الشيخ مصطفى
الغرف الدم بالعصا
الشيخ سيروه
تلاته قدور محلبية
وتلاته قدور سرتيه
وتلاته قدور صندليه
نسيبتو قالت شويه
وحرمان مابدخلن على
الشــــــــــــــــــــــــــــيخ سيــــــــــــــــــــــــروه
++++++++++++++++++++++++++++
قالت شاعره :
طه ابو سدر بابا ذر العينة
لى دارفور طلاها الجم سلاطينا
كم هيفت قبايلا كلهن فينا
طه ابو سدر ياقمر العشا الهراج
للضيفان تكفى بى صوانى كبار
++++++++++++++++++++++++

خديجه بت محمد ود الملك
ياخديجه ابكى وشيلى الرماد شمى
ياعثمان عريس المى ويا حميد حتاله امى
وكتين قبيل فى الدار
وفوق سرج الامهار
ليكم خاتى القوار
وكت الحكم استدار
وبقى على الابطال

(( الحَكّامآت))

@@@@@@@@@@@@@
@@@@@@@@@@@@@
@@@@@@@@@@@@@

حمدالجبيل الحساني

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
حمدالجبيل الحساني; توقيع العضو
الرجوع الى أعلى الصفحة اذهب الى الأسفل
مدثر

مدثر

ادارة المنتدى

الانتساب :
15/09/2009

رقم العضو :
1

عدد المساهمات :
1119


https://aldowaim-city.ahlamontada.net راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12الجمعة نوفمبر 27, 2009 4:44 am
خيارات المساهمة

ابداع و تميز يااخ حمد
 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
مدثر; توقيع العضو



انضم الي مدونتي



الرجوع الى أعلى الصفحة اذهب الى الأسفل
حمدالجبيل الحساني

حمدالجبيل الحساني

4
4

الانتساب :
29/10/2009

رقم العضو :
68

عدد المساهمات :
212


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12الخميس يوليو 01, 2010 11:44 pm
خيارات المساهمة

حمدالجبيل الحساني كتب:
ماني شاعر بلفق تلفيق هاوي لي الكلام والنم
حلفتك بالاله ياشطابي في الراكوبه نتلم قول تم
نجرب كلام الشعراء وبيهو نترنم
هم احسن مننا لكن لدرب نتعشم
العمر عده والفكر أظلم والبنات وأبل فراقن براهو بتكلم
انت الزوق وانت فارس قلم براهو بتنمنم
ماتجامل من في المهد يداب بتكلم
راكوبتنا نبنيها وفيها بنقيل ونجر النم
شوف ياود الشطيب دييييييييييييلك جونا ضوف انت طلق وان بقول حرم
وفي الختام نكرمهم ونقولهم صلو على النبي صلاةً تزوركم الحرم

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
حمدالجبيل الحساني; توقيع العضو
الرجوع الى أعلى الصفحة اذهب الى الأسفل
محجوب عفيفي

محجوب عفيفي

نائب المدير
نائب المدير

الانتساب :
10/03/2010

رقم العضو :
162

عدد المساهمات :
965


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12السبت يوليو 03, 2010 1:38 pm
خيارات المساهمة

زادك ربي يا الحساني يا ابنضم جميل موشين اتباشربك المنتدي ونقد كمان ساكتين وبعد طول غيبه سماحت الجيه تشرفنا
 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
محجوب عفيفي; توقيع العضو
الرجوع الى أعلى الصفحة اذهب الى الأسفل
حمدالجبيل الحساني

حمدالجبيل الحساني

4
4

الانتساب :
29/10/2009

رقم العضو :
68

عدد المساهمات :
212


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12الأحد يوليو 04, 2010 12:06 am
خيارات المساهمة

محجوب عفيفي كتب:
زادك ربي يا الحساني يا ابنضم جميل موشين اتباشربك المنتدي ونقد كمان ساكتين وبعد طول غيبه سماحت الجيه تشرفنا

مرحبتين حباب عفيفي العفيفي
يامطر الضراع الماك صيفي
انتعش منتدانا بالجوء الخريفي
دعاشكم غشانا انعشنا وهيج مشاعر مهاجر
يسكن بجوفه دويمنا والريفي

شرف الله قدرك وحجبك من كل شر اخي محجوب عفيفي

 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
حمدالجبيل الحساني; توقيع العضو
الرجوع الى أعلى الصفحة اذهب الى الأسفل
محجوب عفيفي

محجوب عفيفي

نائب المدير
نائب المدير

الانتساب :
10/03/2010

رقم العضو :
162

عدد المساهمات :
965


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12الأحد يوليو 04, 2010 1:57 pm
خيارات المساهمة

مرحب حباب اخواني فيهم البعاج وفيهم اسد زومه الدوام لعاج فيهم التلب الزوم خواج وفيهم تمساحا عشاري ماهماهو كان جاهوالخريف اوفات ود الجبيل -ود الشطيب والمدثر لفيف قوما فهيمه ومجلسهم والله ماكضاب
 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
محجوب عفيفي; توقيع العضو
الرجوع الى أعلى الصفحة اذهب الى الأسفل
محجوب عفيفي

محجوب عفيفي

نائب المدير
نائب المدير

الانتساب :
10/03/2010

رقم العضو :
162

عدد المساهمات :
965


راكوبة ودالجبيل  الظليلة Empty
مُساهمةموضوع: رد: راكوبة ودالجبيل الظليلة راكوبة ودالجبيل  الظليلة Coolte12الأحد يوليو 04, 2010 6:43 pm
خيارات المساهمة

جادت بو القريحه يا الحساني خوي اخبرو ودرب التبانه في السماء بيه اعبرو كملنا الصبر حتي الصب من تاليهو قال انجبرو دا الشوق عديل ليكم للبلادو ناس امونه فرهد فريعن وللجلجن بفكري صبرنا والصبر ذاد في حدا
 منتدى الدويمالموضوع الأصلي : راكوبة ودالجبيل الظليلة المصدر : منتدى الدويم
محجوب عفيفي; توقيع العضو
الرجوع الى أعلى الصفحة اذهب الى الأسفل

راكوبة ودالجبيل الظليلة

استعرض الموضوع التالي استعرض الموضوع السابق الرجوع الى أعلى الصفحة
tr>
صفحة 1 من اصل 1

 KonuEtiketleri كلماتدليليه
راكوبة ودالجبيل الظليلة ناس الدويم الاشهار , راكوبة ودالجبيل الظليلةاكواد تومبلايت css html , راكوبة ودالجبيل الظليلة aldowaim ,راكوبة ودالجبيل الظليلة الجعافرة, aldowaim, مدن و قرى سودانية, محلية الدويم, مدينة الدويم, التجاني حاج موسى, الجعافرة, مسدار, نم دوبيت, قبائل سودانية, وظائف,شخصيات الدويم,صور الدويم,كوبري الدويم,سكر النيل الابيض,jops sudan,جبنة الدويم,العمدة عمران,الحسانية,هباني,,الدويم, بخت الرضا, النيل الابيض, منتدى ,راكوبة ودالجبيل الظليلة اخر الاخبار , راكوبة ودالجبيل الظليلة منتدى الدويم
 KonuLinki رابطالموضوع
 Konu BBCode BBCode
 KonuHTML Kodu HTMLcode
صلاحيات هذا المنتدى:لاتستطيع الرد على المواضيع في هذا المنتدى
منتدى الدويم :: استراحة المنتدى ( تعالوا نتونس ) :: منتدى الرجل-