مرحبا بك عزيزي الزائر. المرجوا منك أن تعرّف بنفسك
و تدخل منتدى ملتقى ابناء الدويم معنا. إن لم يكن لديك حساب
بعد, نتشرف بدعوتك لإنشائه
منتدى الدويم
مرحبا بك عزيزي الزائر. المرجوا منك أن تعرّف بنفسك
و تدخل منتدى ملتقى ابناء الدويم معنا. إن لم يكن لديك حساب
بعد, نتشرف بدعوتك لإنشائه
منتدى الدويم
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدى اجتماعي ثقافي
الدخول
أهلا وسهلا بك زائرنا الكريم إذا كانت هذه زيارتك الأولى لمنتدى الدويم يشرفنا أن تقوم بالتسجيل بالضغط هنا ، أما إذا كنت أحد أعضاءنا الكرام فتفضل بتسجيل الدخول بالضغط هنا . لو رغبت بقراءة المواضيع و لإطلاع فقط فتفضل بزيارة القسم الذي ترغب أدناه.
موضوع: شاي وموية باردة الخميس يناير 13, 2011 11:18 pm
ياجماعة والله أنا مشتاق لحاجة طولت منها شديد ، ودا إحساس غريب داهمني وأنا في شُغلي ، عارفين شنو؟ أيوا أنو أطلع لي كُورسي بره وأجيب لي تُرمسة شاي وموية باردة وأقعد وفلان جي ودا مشي ودا رد السلام ودا حكي نكتة وحاجاتنا الجميلة الزمان ديك، مش الزمان شديد عشان أنا ما كبير شديد ياجماعة ، بس بشرط ما إجي واحد إحكي ليك مأساة ،رايكم شنو نجي نقعد ونشرب الشاي دا مع بعض، الموضوع الأصلي : شاي وموية باردة المصدر : منتدى الدويم
AbdElbagi Ibrahim Alhassa
2
الانتساب :
21/10/2010
رقم العضو :
480
عدد المساهمات :
69
موضوع: رد: شاي وموية باردة الجمعة يناير 14, 2011 3:16 pm
من أمس وأنا قاعد بالشاي دا بره، زول ساي منكم إقول سلام مافي، ولاعشان مامعاه لقيمات، أهلن حاجة آمنة ، شنو التعب دا؟شكراً ليكي، اها ياجماعة دي جارتنا حاجة آمنة جابت لينا صحن لقيمات، ولو ما جاني زول حا آكُله براي يلا أسرعو، جيب كُرسي ياولد شايف عمك محجوب دا جاي علينا، الموضوع الأصلي : شاي وموية باردة المصدر : منتدى الدويم
محجوب عفيفي
نائب المدير
الانتساب :
10/03/2010
رقم العضو :
162
عدد المساهمات :
965
موضوع: رد: شاي وموية باردة الجمعة يناير 14, 2011 7:02 pm
سلام ودالحاج والله انتابي احساس عجيب وضاق صدري مما هو عليه يعني الوحة دي دي يا ولد عجيبه وفيها وتر حساس ولونا ادي الي ازدوجية القرايه حرم يا ود الحاج فطور الجمعه عندي وانا شاهيك دا كب واسكت انا بشربو ليك برادك دا كلو ولقيمات جاجه امنه لقيماتا باكلا واعزم لينا ياسر كرفس خلينا نشوف عندو شنو والله لو كلمت جلال وهجو تكون ماقصرت ولك ودي الموضوع الأصلي : شاي وموية باردة المصدر : منتدى الدويم
AbdElbagi Ibrahim Alhassa
2
الانتساب :
21/10/2010
رقم العضو :
480
عدد المساهمات :
69
موضوع: رد: شاي وموية باردة الإثنين يناير 17, 2011 12:25 am
يامحجوب حرام شنو ؟ إنت فطور الجمعة دا ماعارفو وين ؟ نحن مش معزومين عند العريس،ياخوى إنت كان نسيت أنا مُذكر كويس، وخليك جاهز أنا الســـ٩ــــاعة شوكة بجي غاشيك ونمشي مع بعض، شنو خلاص ماشي تنوم؟ أسمع باقي العلبة دا ماتخليو لي ،وإنت في طريقك أغشي شليك واحدة من الدكان، خلاص يازول لي بكرة، الموضوع الأصلي : شاي وموية باردة المصدر : منتدى الدويم
مس إيمي
3
الانتساب :
04/10/2010
رقم العضو :
452
عدد المساهمات :
106
موضوع: رد: شاي وموية باردة الإثنين يناير 17, 2011 4:06 am
سلام والله قعدتكم حلوه بس فاتتتني علشان كدا جيبت ليكم الكيك دا وكل مره بجي بديكم طله
شفت يامحجوب ناس الحي ديل وجيرانا ديل طيبين كيف، البجيب ليك صحن لقيات ، والبجيب ليك كيك، والبجي إونسك ، يعني رغم البحصل دا لكن هم متمكين بعاداتم الجملة دي لسع، أقول ليك حاجة ما تجو تسكُنو جمبنا هنا، شفت البيت الناصية ، أصحابو حا إبيعوه ورخيص بـ ١٠٠ مليون ( بس) تعرف لي لأنو هم من الجنوب خلاص راجعين باي باي باي باي ، ياسلام ناس طيبين يامحجوب ليهم ٦٥ سنة عايشين هنا وكل ناس الحي بشهدو ليهم إنهم ناس طيبين، علي أي حال إذا بقيت علي البيت أدينا خبر، والله لكن كيك رهيب ياإيمي ، وأبقي ناولينا طوالي منو بالله عليك، شكراً ليكي، الموضوع الأصلي : شاي وموية باردة المصدر : منتدى الدويم
مس إيمي
3
الانتساب :
04/10/2010
رقم العضو :
452
عدد المساهمات :
106
موضوع: رد: شاي وموية باردة الثلاثاء يناير 18, 2011 6:08 am
تسلم يامحجوب ومدثر ماعارف الم فيه وين بس بكون حايم بهينا قريب كان لاقيتو حأكلموا وشكرا ليك ياعبدالباقي بس عايز اعرف بقيت سمسار ولاشنو الموقع سمح رحيلهم دا مأثرنا بس ربنا يسهل لكن اذا البيت عجب محجوب ماتاخد حق السمسره
ان هنا يا جماعة بس اخبار العالم المولعة دي خلت التلفزيون اهم من النت و كمان كاس اسيا و هموم البلد جيبوا الشاي الموضوع الأصلي : شاي وموية باردة المصدر : منتدى الدويم
و الله حالة حاجة امنة و محمد احمد بقت صعبة بقوا ماشين يتكلموا براهم في الشارع و ما عارفين يلقوها من وين ولا وين الطنطنة كترت مع الكماسرة في الزيادة بتاعت المواصلات و طبعا ما بنقدر نقول حاجة لانوا الحكومة قالت الزيادات دي هدية للشعب السوداني في عيد الاستقلال و طبعا الهدية لا تهدى و لا تباع و رسولنا قال لينا تهادوا تحابوا و امرنا بقبول الهدية
عليك الله في استخفاف اكثر من انو يقولوا الزيادات في الاسعار هدية و انو الشعب استقبلها بفرحة الموضوع الأصلي : شاي وموية باردة المصدر : منتدى الدويم
إيمي كيفنك ،صدقيني ضحكت ضحكة لي زمن منها،حكاية سمسار دى عجبتني وإتخيلت نفسي فعلاً واقف أنا ومحجوب وبزيد ليهو في السعر عشان أطلع لي منو بـ كم مليون ،ما مغترب عاد، و دي كان صدقت إنتي عندك فيها نسبة ، بس محجوب ما إعرف، واللهِ قعدة الشاي دى أصلاً ماخسرانة، وبعدين معاك يا مدثر ،ياخي ياخي تجي بعد اللقيات والكيك إخلصو، والعجب الشاي بتاع أمس ،رهيب ،باللهَ عليك تاني تابع أخبار الجلسات دي، تعرف يامدثر لأول مرة أشوف لي نواب برلمان إصفقو لإجازة زيادة أسعار،أنا إفتكرتهم صفقو لواحد من الأعضاء إعترض علي القرار، وحاجة آمنة ماعارفة المسكينة ممثلينا في البرلمان من أي نوعية ، كُب لي كباية شاي ياولد، بتسألنى كم ملعقة ، إنت ماعارف الرطل بقى بكم؟ نُص ملعقة بس، وخلي الباقي دا نشرب بيه بكرة، الموضوع الأصلي : شاي وموية باردة المصدر : منتدى الدويم
مس إيمي
3
الانتساب :
04/10/2010
رقم العضو :
452
عدد المساهمات :
106
موضوع: رد: شاي وموية باردة الجمعة يناير 21, 2011 1:04 am
خلاص ياعبدالباقي اتفقنا وسرك في بئر وعشان كلامك دا هاك كباية الشاي دي ماخساره فيك
الخميس يناير 13, 2011 11:18 pm
الموضوع الأصلي : 
الموقع سمح رحيلهم دا مأثرنا بس ربنا يسهل لكن اذا البيت عجب محجوب ماتاخد حق السمسره 
