مرحبا بك عزيزي الزائر. المرجوا منك أن تعرّف بنفسك
و تدخل منتدى ملتقى ابناء الدويم معنا. إن لم يكن لديك حساب
بعد, نتشرف بدعوتك لإنشائه
منتدى الدويم
مرحبا بك عزيزي الزائر. المرجوا منك أن تعرّف بنفسك
و تدخل منتدى ملتقى ابناء الدويم معنا. إن لم يكن لديك حساب
بعد, نتشرف بدعوتك لإنشائه
منتدى الدويم
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدى اجتماعي ثقافي
الدخول
أهلا وسهلا بك زائرنا الكريم إذا كانت هذه زيارتك الأولى لمنتدى الدويم يشرفنا أن تقوم بالتسجيل بالضغط هنا ، أما إذا كنت أحد أعضاءنا الكرام فتفضل بتسجيل الدخول بالضغط هنا . لو رغبت بقراءة المواضيع و لإطلاع فقط فتفضل بزيارة القسم الذي ترغب أدناه.
موضوع: فن التعامل مع الاخر الأربعاء نوفمبر 24, 2010 2:43 am
لفت انتباهي و انا في المواصلات امراة حبت توقف الحافلة عشان تنزل و بدات بالصراخ في الكمساري ( هوي انت وقفني ههنا ) و استمرت في تعمد خلق مشكلة من لا شيئ حتى توقفت الحافلة و نزلت المراة بسلام و انتبهت الي ان سلوك هذه المراة ما سلوك فردي في مجتمعنا يعني كتير جدا من السودانيين و السودانيات ما بيعرفوا يتعاملوا مع الاخر و دائما بنلاقي مواقف تدل على كده و ممكن تحصل مننا او لنا و نعاني من سوؤ تعامل الركاب مع الكمساري و الكمساري مع الركاب و الموضف مع المواطنين و افراد الاسرة و هي حالة لو فكرنا فيها شبهة عامة ( لماذا ) و دائما ما يتعامل الناس بفكرة انهم افضل من الاخر حتى عندما لا يكون هناك مجالا للتفضيل و ده بينتج منو التشنجات و التعامل بعصبية و فوقية و لما نشوف مسلسلات عربية او اجنبية او حتى لما نمشي لبلد تاني بنسمع كلمات لا مرادف لها في بلدنا مثل ( من عيوني و يا حبيبي و من فضلك و لو سمحت ........ الخ ) كلمات تفتح النفس للتعامل و كانت دي ملاحظة بسيطة و ارجوا ان اسمع اراءكم
موضوع: رد: فن التعامل مع الاخر الأربعاء نوفمبر 24, 2010 7:44 pm
عزيزي مدثر ، لقد طرقت قضية إجتماعية هامة جداً وفعلاً تحتاج لنقاش وإبداء الرأى حولها ، وُصفنا بأننا الشعب الطيب الشعب المحترم الشعب الذى يحمل الصفات التى لايحملها غيره من الشعوب وا.وا.وا و واوات كتيرة عن هذا الشعب وصفاته ، نعم لا نختلف باننا نتفرد ببعض الميزات الجميلة عن بقية الشعوب ،ولكننا لسنا راضين بممارساتنا اليومية فى حياتنا الطبيعية إذا كانت في الشارع العام فى المواصلات في المناسبات في ميادين الكرة وهنا أقف عند هذه اللعبة الشعبية التي يشاهدها عامة الشعب والتى يعتبر لاعبها بمثابة رسول لديه رسالة أخلاقية في الأدب والإنضباط وإحترام القانون ومنفذ القانون وهذه المُثل يعمل بها جُل لعيبة الكرة في العالم من منطلق أن هنالك مشاهد يجب أن نحترمه وأن تصله الرسالة هذا هو المفهوم الطبيعي، ولكن ماذا يقدم لاعب الكرة في السودان؟ يقدم الزهج والامبالاة وذم الزميل في أبسط الهفوات وعدم الإكتراث للمشاهد وتصرفات كلها غير لايقة، والمركبات العامة لا إحترام للراكب من قبل السايق ولا من لكمساري ولا إحترام للطريق ومستخدم الطريق الكل يتصرف كما يحلو له والكل هو سيد والآخر عبد، بلد الأخلاق فيها عند الحاجة فقط لدى بعض الناس، لا إعتزر ولا سماحة في قاموسهم. حتي من يحرس القانون أحياناً لا هشاشة ولا بشاشة تعلو وجهه و تجعلنا نتعلم منه هذه الصفة الجميلة ، وهنالك واجهات مُجتمعية كثيرة يتعلم منها المجتمع قيم ومُثل حضارية ولكن للأسف نفتقدها في بلدنا ، ذكر لي أحد الأصدقاء وهو في إجازة مع الأهل قرر إنو إمشي السوق لشراء بعض القراض وأصطحب معاه واحد من معارفو وأثناء ماهو بشترى بقول لي أى بتاع المحل لو سمحت أدينى الحاجة دي وبعد ما إشترى وإدفع القروش بقول لبتاع المحل شكراً فالمسألة دى إتكررت كتير من صديقنا وصاحبنا المعاهو دا ما إستوعب الموضوع بتاع لو سمحت وشكراً لبتاعين المحلات دي فقام قال لصديقنا دا شنو إنت شابكنا لو سمحت وشكراً إنت بتدفع قروش مش بتاخد مجان، فهذه هي الثقافة السائدة لذلك نتمني من هذا الشعب ان يعى للعصر الذي هو فيه وان تسوود ثقافة التسامح والأخلاق والمُثل الحميدة وان نكون شعبا مميزا عن كل الشعوب فعلاً، الموضوع الأصلي : فن التعامل مع الاخر المصدر : منتدى الدويم
محجوب عفيفي
نائب المدير
الانتساب :
10/03/2010
رقم العضو :
162
عدد المساهمات :
965
موضوع: رد: فن التعامل مع الاخر الجمعة نوفمبر 26, 2010 4:07 am
ناس كالأرض ومنها هُُمُ *** فمن خَشنِ الطبع ومن ليِّنِ فجنـدلٌ تدمـى بـه أرجـلٌ *** وإثـمدٌ يـُوضـع في الأعـينِ الاخوه الاعزاء ان فن التعامل من ابجديات المسائل المهمه التي ينبقي ان نتعلمها ونحن في المجتمع السوداني نفتقد الي فن التعامل وقد حدث معي موقف ظريف ولي عوده للموضوع الشيق والمتشعب الموضوع الأصلي : فن التعامل مع الاخر المصدر : منتدى الدويم
مس إيمي
3
الانتساب :
04/10/2010
رقم العضو :
452
عدد المساهمات :
106
موضوع: رد: فن التعامل مع الاخر الأحد نوفمبر 28, 2010 7:50 pm
السلام عليكم فن التعامل دا شيئ بنفتقدوا في كتير من جوانب حياتنا مثلاً أول شيئ إذا دخلت أقرب محل عاوز تشتري حاجه فبتلقى إنو إحنا مثلاً في التعامل مع الزبون طريقة طرح صاحب المحل لبضاعة مافيه أي فن أو طريقه جذابه تخلي الواحد بدل مايشتري حاجه واحده يشتري كميه من الأشياء دا لو ماليقيتوا زهجان وصاري وشو وبعدين في المستشفيات الطاقم بتاع المستشفى يسد نفسك ويزيدك مرض على الإنت عليه على العكس إذا كان الإصطاف غير سوداني يهتموا بيك ويرعوك علشان كدا إبتدت تظهر العماله الأجنبيه في مستشفياتنا والمستوصفات بقت بتجيب كوادر أجنبيه علشان عندهم ذوق وبتعاملوا مع المرضى أحسن وبي كدا بجذب الناس للمكان وكل ماكان تعاملك راقي حتجذب الناس أكتر وإذا لاقيت أي زول أول مره فالصاح إنك تحكم عليه من خلال أخلاق وتعامل مع الناس ولي رجعه في وكت تاني حاكمل قصه عن موضوع الشكرحصل لي شخصياً
موضوع: رد: فن التعامل مع الاخر الإثنين نوفمبر 29, 2010 5:32 pm
ذوق و التعامل المهذب بيعكس كيف نحنا بنشوف الاخرين و نحنا في السودان ثقاغتنا مبنية على التعالي حتى في المجالات البتلاقينا مخفقين فيها زي الكورة بتلاقينا ما بنقدر نعترف بالخطا و بالعيوب الفينا و غالبا ما نلجا لحمالة الحكم او نرجع بالتاريخ اننا نحن مؤسسين الاتحاد الافريقي الاعتزار و الشكر و السناء و عبارات الحب و البد شيئ اساسي لخلق مجتمع متسامح و للاسف نحن محتاجين ندرس انفسنا كيف نعامل الاخرين الموضوع الأصلي : فن التعامل مع الاخر المصدر : منتدى الدويم
مس إيمي
3
الانتساب :
04/10/2010
رقم العضو :
452
عدد المساهمات :
106
موضوع: رد: فن التعامل مع الاخر الأربعاء ديسمبر 01, 2010 12:04 am
مرحبا في موضوع الشكر كان حصل معاي موقف يوم كان في تسليم مشروع في الجامعه والكهرباء قطعت في الجامعه وعندنا ورق عاوزين نطبع طلعنا بره الجامعه ومشينا أقرب محل علشان نعمل print وكان صاحب المحل مهتمي بينا وحاول يخدمنا وإستقبال كان كويس بس لقينا الطابعه ماملونه فأخدنا الflash وهو إتشغل مع زباين تانين فصاحبتي كانت عاوزه تشكروا وأنا قلتليها أنسي الموضوع هو مشغول وماحينتبه مشينا من المحل لمحل تاني من غير مانشكروه وطبعنا ورقنا وسلمنا بس إتضح إنوا أنا نسيت حاجات مهمه جدا في التربيزه بتاعت المحل الماشكرنا سيدوا ومافي طريقه نرجع ليه إلا تاني يوم وكنت خايفه ماألقاها تاني وماقدرت انوم من التفكير تاني يوم بدري مشيت المحل ودخلته وانا محرجه طبعاً منو وسألت عن الحاجات قالي إنها عندو وسلمني الحاجات وبقيت محرجه جداً وبقيت أكرر في كلمت شكراً أكتر من مره وبعدين عودت روحي على الكلمه دي