الامثال السودانية

19/02/2010

السلام عليكم اخواني
رأيت ان نعمل معا على جمع الأمثال
الشعبية حتى نكون موسوعة مفيدة لنا وللزوار
فكل عضو يضع مقولة او حكمة شعبية و يقوم بشرحها بشكل موجز

ارجو من الأخوة تثبيت الموضوع اذا رأوا ذلك
بسم الله نبداء
( بكرة الفوله بتتملى والبقارة بجوا )
دلاله على عوده الحال لما كان عليه اولا اى بالصريح كده ماتعمل انك اكتفيت ومادايرو معاى زول بترجع لى تانى
______________________________
الما دارك ما لامك
أو
الما رادك ما لامك

يضرب لتأكيد معزة ومحبة الشخص لاخيه .. فالشخص اذا ماكان بعزك ما كان بلومك فلومه دليل معزته وحبه لك

الموضوع الأصلي : الامثال السودانية المصدر : منتدى الدويم

قاسم عبدو; توقيع العضو

15/09/2009

فكرة جميلة و مفيده كمان لان الامثال دي فيها حكم يمكن تكون حصاد سنوات تجده انت في كلمات معدودة

و كل ما اتذكر مثل حا تلاقيني معاك
ممكن نثبت الموضوع بس لازم تجتهد فية و تنكت الامثال من كل مكان و تملا الموضوع و يا ريت لو في ناس يستعينو بالحبوبات فهم عبارة عن مخذون غن من الامثال و القصص و الحكاوي

طبعا قاصد حبوبات زمان ما حبوبات العولمة

الموضوع الأصلي : الامثال السودانية المصدر : منتدى الدويم

مدثر; توقيع العضو

انضم الي مدونتي

19/02/2010

ـ الكدم ولا العدم . يعني شئ خيرٌ من لا شئ

ـ تالتن الفي الدلكه مخالطن . يضرب على الرجل الذي افعاله تشبه أفعال الحريم

ـ فلان حوض رمله .يضرب في عدم القناعه والطمع

ـ صاقعة (صاعقة) الهواء الما ليها دواء . يضرب في وقوع الشئ الذي لا اتقاء منه . ( بالرغم من ان الان توجد مانعات صواعق )

ـ ديك العده . يطلق على الرجل الذي لا يحسن التصرف لان ديك العده اذا نهرته كسر العده واذا تركته كسرها .

ـ الصابر جابر . والصابرات روابح لو يجن قُمّاح .

ـ جنا الدبيب مابخيب . وجنا الفار حفار . يعني ما شابه اباه فما ظلم .

ـ رئيسين غرقوا المركب . عندما لا يتفقا في الراي

ـ مالاً تودعا بيعا وايد مابتقدرا طيعا . قد لايحسن التصرف من اُ ستودع مال غيره واخره استسلام للقوة

ـ حكم اب تكو . وهو حكم القوي على الضعيف ويقابله

ـ عنز المك منو البقول ليها تك . المعنى واضح ومنه

ـ منو البقول البغله في الابريق

ـ بقت عليك حسادة أبحيدر . حريمه اربعه ويزني غيرهن

ـ الجمره بتحرق الواطيها . يعني من يده في النار ليس كمن يده خارجها

ـ الصبي من تبتو والمطر من صبتو . يعني من شب على شئ شاب عليه واول المطر دليل على نجاحه من عدمه .

ـ النار تلد الرماد . يطلق على من كان والده ذو فعال كريمه وهو ذو فعال سيئه .

الموضوع الأصلي : الامثال السودانية المصدر : منتدى الدويم

قاسم عبدو; توقيع العضو

19/02/2010

بركة الكلام في قلته
يعنى الكلام أحسنه ما قل ودل

الجاياك ما بتختاك
المقدر لك لابد أن يصيبك

حساب ولا كوار
حاسبني بنظام وزن أو كيل أو تقدر بإجمال والكوار معناه فرض ثمن للسلعة جمله

الحساب ولد
أي الحساب كالولد لا ينسى يضرب عند المغالطة في الحساب

إذا حضر الماء بطل التيمم
معناه إذا حضر الأصيل ألغي الوكيل

الحلفك كتلك والشكاك عاداك
الذي حلفك فهو عرضك للموت والذي شكاك إلى الحكام تعرض إلى معاداتك

الحوت ما بهددوه بالغرق
يضرب بعدم المبالاة بالوعيد

خت الخمسة فوق الاثنين
ضع أصابعك فوق شفتيك – يضرب للأمر بملازمة الصمت

إن جاتك في مالك سامحتك وان جاتك في نفسك بكتك إذا رماك الدهر بمصيبة في مالك فقد سامحك بالنسبه في جسمك أو ابنك أو عرضك

الموضوع الأصلي : الامثال السودانية المصدر : منتدى الدويم

قاسم عبدو; توقيع العضو

15/09/2009

--------------------------------------------------------------------------------

1- السواي ماحداس.
2- الضو ما بقلولو سو.
3- النعيم من عشو زوزاي.
4- الصابرات روابح ولو يجن قماح.
5- الصبر مفتاح الفرج.

6-الماء البارد بقد السقي.
7- البتشبح بتظهر عاريتو.
8- مد كراعك قدر لحافك.
9- ملاحي في ناري وعيني في جاري.
10- الضايق عضة الدبيب يخاف مجر الحبل.

11- أسال مجرب لا تسال طبيب.
12- القلم مابزيل بلم.
13- القصير يا حكمة يا فتنة.
14- الطول فاقة والقصر عاقة.
15- كل طويل لا يخلو من هبل.

16- الطول عز.
17- كلام القصير مابنسمع.
18- العترة بتصلح المشي.
19- العارف عزو مستريح.
20- واثق الخطي يمشي ملكآ

الموضوع الأصلي : الامثال السودانية المصدر : منتدى الدويم

مدثر; توقيع العضو

انضم الي مدونتي

15/09/2009

الفولة بتتملي والبقارة بجو
2- الخيل تجقلب والشكر لحماد
3. القرد في عين امو غزال

كل ديكاً فى بيتو (عوعاي) .
حلم الجيعان عيشة .
الجفلن خلهن ... أقرع الواقفات .
فراق ود الطريفى لى جملو .
ود السلطان كان لبس دلقان ...برضو ود السلطان .
أرجا سفيه ... ما ترجأ عاطل .
المكتوب فى الجبيبن... لا بد للعين يبين .
كراع البقر جيابة .
عريان ويغتغت فى كرعيه .
البجاور السعيد بسعد .
الصديق وقت الضيق .
العود لو ما فيهو شق ... ما بقول طق .
الجن بدّاوى ... كعب الأندراوا .
لو عايز فاطنة ... شوف أخوها أمحمد .
البيتو من قزاز ... ما يفلق بالحجار .
على نفسها جنت براغش .
جنا الدبيب ... ما بخيب .
شبه روحو ... والجاز مسوحو .
العشرة ما بتهون ... الا على ود الحرام .
المرايةما بتكضب .
الخواف ربى عيالو .
بشوف القلب .
القرد فى عين أمو غزال .
الجواب باين من عنوانه .
المرة شعر .
عوير أمو ... أمو بتشمو .
الراجل ... عيبو قِرشو .
كل فولة وليها كيال .
الجبان بخاف من ضلو

الباب البجيب الريح سدو واستريح

الماشاف البحر تخلعوا الترعة

المال تلتوا ولا كتلتوا

سمح الغنا في خشم سيدو

الولادة صغره والمشي صباح

قلبي على جناى وقلب جناي على حجر

درب السلامة للحول قريب

تعيس الحظ يلاقي العضمة في الفشفاش

البيرقص ما بيغطي دقنو

بليلة مبشر ولا ضبيحة مكشر

الخير في الملعون زي الشرة في القندول

الجمرة تحرق الواطيها

المايهدي الكريم تعبان

البفكك من اكل التوم قل اكلو

الراجل افجخي بصلة قبل ما يبقي اصلة

رزقاً تكوسو ورزقا يكوسك

الما بتلحقو جدعو

الخيل تجقلب والشكر لى حماد

الفى بطنو حرقص براهو برقص

العيش يلف و في الآخر بجي الطاحونة

التسويهو كريت تلقاهو في جلده

جلداً ماهو جلدك جرفيهو الشوك

الخير في المنعول ذي الشره في القندول

التدورو والتابه بيجي يوم تكوس للمه ما تلقى

اللستحوا ماتوا

البتسويهو بإيدك يغلب أجاويدك

الموضوع الأصلي : الامثال السودانية المصدر : منتدى الدويم

مدثر; توقيع العضو

انضم الي مدونتي