مرحبا بك عزيزي الزائر. المرجوا منك أن تعرّف بنفسك
و تدخل منتدى ملتقى ابناء الدويم معنا. إن لم يكن لديك حساب
بعد, نتشرف بدعوتك لإنشائه
منتدى الدويم
مرحبا بك عزيزي الزائر. المرجوا منك أن تعرّف بنفسك
و تدخل منتدى ملتقى ابناء الدويم معنا. إن لم يكن لديك حساب
بعد, نتشرف بدعوتك لإنشائه
منتدى الدويم
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدى اجتماعي ثقافي
الدخول
أهلا وسهلا بك زائرنا الكريم إذا كانت هذه زيارتك الأولى لمنتدى الدويم يشرفنا أن تقوم بالتسجيل بالضغط هنا ، أما إذا كنت أحد أعضاءنا الكرام فتفضل بتسجيل الدخول بالضغط هنا . لو رغبت بقراءة المواضيع و لإطلاع فقط فتفضل بزيارة القسم الذي ترغب أدناه.
موضوع: نعمة من كريم الإثنين نوفمبر 08, 2010 10:36 pm
وجعلنا من الماءِ كلُ شئٍ حي هذا قول الخالق عز وجل، فأي نعمة أفضل من التى يحيا بها كل شئ على هذه الأرض، وأنا أُتابع إحدى التقارير الأُممية عن المياه عرفت أن هنالك ١٣ دولة عربية سوف تتعرض لنقصٍ حاد فى مياه الشرب بحلول عام ٢٠١٥ ،فسألت نفسي هل السودان ضمن هذه الدول؟ ولكن سرعان ما أجابنى النيلين اللذان حبانا الله بهما عذبٌ ماءِهما فرات، بأن السودان به نعمة لو سُخرت لأحيت الناسُ جمعاً. فبعد أن كرمنا الله بهذه النعمة ،هل سخرناها وأستفدنا منها وكرمنا بها بني آدم وجعلنا له حياة كريمة يتقى بها شح العطش والجفاف وغيرها من كواث تصيبه جراها؟ نحن فى السودان لا أظن أننا عملنا حتى لتصليح وتصحيح ما الشرب، فبدل أن تكون هذه المصادر للمياه نعمة أصبحت نغمة يتسبب فى تلوثها المواطن اللاواعى لدوره والمسؤول الذي يتجاهل واجبه، فمن جانب المواطن أصبحت المصادر مرمى للقمامة والأوساخ والنفايات وغيرها من مسببات التلوث، والأمر الا فظع من ذلك هى مكان لقضا الحاجة لبعض الناس،وهنا يغيب دور المسؤول لو أنه أقام دورات للمياه لحفظ للموطن صحته وللمدينة أو الشاطئ او المكان المعنى وجهه الحضارى، ولكن لاسباب تنُم عن الجهل والإهمال يظل المواطن يعانى أمراضاً مثل الفشل الكُلوى والبلهارسيا والملاريا وغيرها من أمراض أصبحت من ماضي الأُمم والشعوب وما زالت مسشفياتنا نحن تئن بمرضاها، فرفقاً بنا ياالله،
موضوع: رد: نعمة من كريم الأربعاء نوفمبر 10, 2010 5:01 pm
المويه نعمه كبيره للإنسان والحمدلله ربنا وهب لينا النيل وفعلاً إنو حصة السودان في المويه كبيره ومحتاجين نستفيد منها كويس مثلاً في الشرب نحافظ عليها من التلوث الكل يوم بزيد بعدين أنا دايره أعرف إحنا بنشكي من المويه البتجينا بالرغم إنها مرت عبر محطات تنقية المويه يعني تعقيم ومواد التنقيه ماقتلت الجراثيم والله ربنا ساي حافظنا من الأمراض بقت عندنا مناعه طبيعيه وبنلاحظ إنو أي زول بجي من بره طوالي مويتنا بتعمل معاه تغيير ياربي بتجي طوالي من البحر للمواطن ولاشنو ؟ دا غير إنو في مناطق جنب النيل وبتشرب من الصهاريج (الآبار الجوفيه) ودي موية مالحه . وبعدين الزراعه ماشاء الله أرضنا خصبه وإنشاءالله تبقى جنه بس نستقل حصتنا صاح . وعندنا إستفاده ملحوظه من المويه في السدود ودي ماشين فيها كويس قصدي سد مروي والخزانات القديمه طبعاً بس لسع حصتنا من المويه ما أخدناها كلها ولسع عندنا مخزون كبير من المياه الجوفيه، بس بفتكر إنو نحنا محظوظين لأنو شربنا من موية النيل والحمدلله . .
موضوع: رد: نعمة من كريم الخميس نوفمبر 11, 2010 5:47 pm
إمي زيك وكفنك وشكراً المشاركة والرأى فى موضوع مهم زى موضوع الموية دا، سؤالك يا إمي هل نحن محظوظين ولا لا لأننا شربنا من موية النيل؟ والله ياإمي ماعارف الحظ دا شكلو كيف لحدى هسع ماصادفني لا فى الماسورة المويتا ملونة وتقيلة وتشبع ماشاءالله عليها، يعنى مافى أي داعى نتعب ونمشى نشترى عصير من الدكان بس سكر على موية الماسورة دى وعلى طوووول،ولا صادفنى في البقولو عليها موية صحة ،ودى كمان بقو إلعبوها قالو يعني الفاضى ن موية الصحة دى يُعبى عشرة مرات على أساس جاى من المصنع، ولا صادفتو حتى في النيل الكبير ذاتو، يعنى ياإمي إنتى كدى أمشي بنفسك على شاطئ النيل دا وشوفي بنفسك المناظر المقرفة، يعنى وين الحظ ياإمي، نعم أنا معاكى وأنا ذكرت سابقاُ إنو هي نعمة مابعدها نعمة ، لكن هل سخرناها وإستفدنا منها؟ دا السؤال اليُفترض نناقشو، ولا رايك شنو؟ تحياتى الموضوع الأصلي : نعمة من كريم المصدر : منتدى الدويم
مس إيمي
3
الانتساب :
04/10/2010
رقم العضو :
452
عدد المساهمات :
106
موضوع: رد: نعمة من كريم الأحد نوفمبر 14, 2010 8:03 am
والله كلامك صاح هي مويتنا عصير ليمون طبعاً لكن برضوا عارف إنو أغلب سكان العالم مويتهم مالحه يعني نعمه لقينا مويه عذبه انا بتكلم من الناحيه دي وانت ماحتقدر الحكايه دي إلا تفقده وتشرب من المياه المالحه البعملوا ليها تحليه هنا بس حتحس بالفرق بغض النظر عن المساوئ الإحنا عارفينها ولمن تكون في حته مافي إلا مياه معدنيه قدر ماتشرب ماحتروى لكن كبايه واحده من موبيتنا العكرانه دي حترويك عشان كدا إحنا محظوظين
موضوع: رد: نعمة من كريم الإثنين نوفمبر 15, 2010 3:49 am
ودالحاج وايمي سلام علي قبايل العيد والبهل انتو في وضع احسن وياربي ماتعكر مويتنا وتخليها صافيه زي صفو ترابطنا الاجتماعي اما بخصوص تسخيرنا واستفادتنا من حصتنا في ماء النيل وكرنيشنا الجميل ونيلنا الرايع دا كلام تاني اما عن استفادة مدينتنا من شواطئنا ومياه النيل الابيض بقول زي ابل الرحيل شايله السقا وعطشانا وياشباب ولي عوده
موضوع: رد: نعمة من كريم الإثنين نوفمبر 15, 2010 4:40 am
كيفك يا شباب اول حاجة اشتريتوا الخرفان ولا لسة
موضوع الموية موضوع كبير و الله الموية بي عكارة ده مرات ما بتتلقي المهم اننا شايفين النيل و عارفين انو الموية في بس ما قدارين يوصلوها لينا و دي مشكلة بسيطة ام الناس الماعندهم موية من الاساس ديل مشاكلهم كبيرة و غالبا ما تتطور المشاكل دي لمشاكل اكبر مثل التلوث و الاسهلات و نقص و زيادة في بعض المعادن و الاملاح و كلها بتعمل مشاكل صحية كبيرة نحمد الله انوا بظروفنا دي هيا لينا مصادر مياه و هي فعلا نعمة غالية الموضوع الأصلي : نعمة من كريم المصدر : منتدى الدويم
AbdElbagi Ibrahim Alhassa
2
الانتساب :
21/10/2010
رقم العضو :
480
عدد المساهمات :
69
موضوع: رد: نعمة من كريم الإثنين نوفمبر 15, 2010 4:40 pm
عفيفي - إمي و مدثر ليكم التحية وكُلُ سنة وإنتو وناس المنتدى وأهلنا في الدويم وكل الشعب السوداني طيبين وإشاء الله العيد الجاي مُتوحدين وصافيين وكمان مويتنا صافية ، وعن الخرفان يا مدثر السنة دي غايتو الخروف قبل ما تفتح خشمو تكون إنت فتحت خشمك من غلاتو ، عظمتو عظمة الخروف في بلد ينتج خُرفان على مد البصر،علي أى حال حاولو أشبعو وكبرو سِنامكم من خروف السنة دى لأنو السنة الجاية ممكن خرونا تستهواهو مسألة ركوب السُفن للخارج وما نلم فيه كلو كُلو لا بالغالي ولا بالرخيص، وعيد شيتو فوق، الموضوع الأصلي : نعمة من كريم المصدر : منتدى الدويم